Álem • 06 Jeltoqsan, 2018

Fransııa janarmaı baǵasyn ósirýge moratorıı jarııalady

221 retkórsetildi

Seısenbi kúni Fransııanyń premer-mınıstri Edýard Fılıpp 1-shi qańtardan bastap kúshine enýi tıis janarmaı baǵasynyń ósýine maratorıı jarııalaıtynyn habarlady, dep jazady CNN.

CNN Photos

Uzaq ýaqytqa sozylǵan narazylyq sharalarynan keıin el bıligi osyndaı sheshim qabyldaýǵa májbúr. Turǵyndar benzın men dızel qunynyń kúrt ósýine qarsylyq bildirip, elıta men kedeıler arasyndaǵy shıelenisti týdyrdy. Narazy top «sary kúrte kıgender» degen atpen keńinen tanymal. Avtokólikke arnalǵan sary kúrte kıgen sherýshiler, bıliktiń mundaı sheshimge barýyn quptamady. Olar prezıdent Emmanýel Makronnan janarmaı baǵasyn arzandatyp, eldegi ekonomıkalyq ahýaldy jaqsartýdy talap etip otyr.

Kóptegen narazylar Parıjge aýyldyq jerlerden kelgen. Senbi kúni narazylyq sharasynda bolǵan 31 jastaǵy Maksım Nıkol Bretanı aýyldyq okrýginen kelgenin jáne ol qarasha aıynda qurylǵan sátten bastap osy «sary kúrte kıgender» qozǵalysynyń múshesi ekenin aıtty. Ol úsh adamnan turatyn onyń otbasy aıyna 1500 eýroǵa ǵana ómir súretinin aıtty. «Bul qarsylyq eldegi qarjylyq júıe men halyq arasyndaǵy kúres», dedi ol.

Fransııanyń soltústik-batysyndaǵy Renndegi baı kvartaldan kelgen Hıýgo Melhıor mashınasy joq bolǵanyna qaramastan, qozǵalysty qoldaýǵa Parıjge kelgen.

E. Makron saıası kóshbasshylardan osy aptada narazylyqty uıymdastyrýshylarmen kezdesýdi surady. Qozǵalystyń baspasóz hatshysy Maksım Nıkoldiń aıtýynsha, narazylyq toptyń basshysy sanalatyn Bendjamın Koshı men Jaklın Moro seısenbige josparlanǵan Premer-Mınıstr Fılıppen kezdesýden bas tartqan. Eldegi ahýalǵa baılanysty ol Polshadaǵy klımattaǵy ózgerister boıynsha COP24 konferensııasyna barýdy da keıinge qaldyrdy.

Eske sala keteıik, 17 qarashadan bastap  elde janarmaı baǵasynyń kúrt ósýine baılanysty jappaı narazylyq sherýleri bastalǵan. Eldegi sherýge qatysýshylardyń sany ótken senbi kúni 36 myń adamǵa jetken. Sherýdiń sońy tártipsizdikke ulasyp, 400-den astam adam ustalǵan. Qalanyń ataqty Saltanat qaqpasy aýdanynda «sary kúrte kıgender» qozǵalysyn qoldaý úshin urandar jazylǵan, al basqalary Makrondy «baı» prezıdent retinde synaǵan.

Reuters agenttiginiń habarlaýynsha, stýdentter de «sary kúrte kıgender» qozǵalysyna qosylyp, demonstranttar ǵımarattardy órtep, seısenbide polısııamen qaqtyǵysqa túsken. Polısııa jasaǵy narazylardy toqtatý úshin jas aǵyzatyn sý men gaz shashyp, pırotehnıkalyq granattar qoldanǵan.

Sońǵy jyldary Fransııa memleketinde benzın baǵasy 10-15 paıyzǵa kóterilip, dızeldik otyn baǵasy 24 paıyzǵa qymbattaǵan. Al bıyldyń ózinde dızel otynynyń quny 16% - ǵa deıin ósken.

Fransııa prezıdenti Emmanýel Makron eldegi narazylyqqa qatysty Úkimettiń shuǵyl otyrysyn ótkizip, jaqynda bılik pen narazy top ókilderi ortaq mámilege keletinin aıtqan.

 

Daıyndaǵan Mádına JÁLELQYZY,

«Egemen Qazaqstan»

Banner
Sońǵy jańalyqtar

IOS júıesine qazaq tili resmı túrde qosyldy

Tehnologııa • Búgin, 18:11

Altyn Adam sherýi Malaızııada jalǵasady

Rýhanııat • Búgin, 17:52

Almatylyq stýdentter tazalyq kúnin ótkizdi

Ekologııa • Búgin, 15:21

«Kanelo» Golovkınnen qorqa ma?

Boks • Búgin, 14:51

Qasym-Jomart Toqaev Nıý-Iorkke keldi

Prezıdent • Búgin, 11:09

Baı-О́lkede mádenı ortalyq ashyldy

Ádebıet • Búgin, 10:11

Hat qorjyn (23.09.2019)

Qoǵam • Búgin, 09:59

Adal isti aramdamasaq qaıter...

Qoǵam • Búgin, 09:53

Onlaın-tapsyrys kómirden taryqtyrmaıdy

Aımaqtar • Búgin, 09:51

Qostanaı qysta tońbaıdy

Aımaqtar • Búgin, 09:48

«Mal da joq, qaıyr da joq»

Qazaqstan • Búgin, 09:46

Jylytý maýsymyna daıyndyq pysyqtaldy

Qazaqstan • Búgin, 09:45

Ádemi dánekerleýshimen áńgime

Qoǵam • Búgin, 09:38

Bıýdjet tıimdi josparlanýy tıis

Aımaqtar • Búgin, 09:25

Jezqazǵanda ishki gaz jelileri tartylýda

Aımaqtar • Búgin, 09:24

Halhyn-gol shaıqasynyń qaharmany

Rýhanııat • Búgin, 09:09

Aqyn toıyna daıyndyq qalaı?

Rýhanııat • Búgin, 09:08

Damý baǵyty aıqyn

Aımaqtar • Búgin, 09:00

Uqsas jańalyqtar