Tusaýkeser kezdesýde jerlesterimiz Túrkııanyń «Edjzadjıbashıyna» esh qarsylyq kórsete almady. 2015 jáne 2016 jyldary osy týrnırdi qatarynan eki ret utqan ystambuldyq voleıbolshylar «Altaıǵa» bas kótertken joq – 3:0 (25:10, 25:11, 25:15). Kelesi oıynda Brazılııanyń «Praııa klýbymen» kúsh synastyq. Bul joly da qarsylastar komandasy ústemdik tanytty – 3:0 (25:14, 25:16, 25:17). Endi erteń О́skemenniń arýlary Taılandtyń «Sýperimen» kezdesedi. Taı eliniń ókilderi de alǵashqy eki básekede jeńilis tapty.
Qazirgi kezde «V» tobynda 6 upaıdy oljalaǵan Túrkııa men Brazılııanyń qyzdary ıyq tiresip, kósh basynda keledi. Taıland pen Qazaqstannyń voleıbolshylarynyń qorjyny bos. Al «A» tobynda Túrkııanyń «Vakyfbankyna» ázirge teń keler komanda tabylmaı tur. Olardyń enshisinde 6 upaı bar.
Ǵalym SÚLEIMEN,
«Egemen Qazaqstan»
