Túrkistan oblysy Otyrar aýdanynan shyqqan aqyndar, ǵulama ǵalymdar ǵana emes, sporttyq básekelerde top jaryp júrgen saıypqyran sańlaqtary da el abyroıyn aspandatyp, kók týdy kókke kóterip keledi. «Elbasy N.Nazarbaevtyń "Qazaqstandyqtardyń ál-aýqatynyń ósýi: tabys pen turmys sapasyn arttyrý" atty Joldaýynda elimiz boıynsha 100 sporttyq nysan salý jóninde aıtylǵan bolatyn. Elbasy tapsyrmasyna sáıkes otyrarlyqtar alǵashqylardyń qatarynda tamasha sport keshenin paıdalanýǵa berdi. Eńseli ǵımarattan aldaǵy kezderde táýelsiz elimizdiń, qut pen kıe qonǵan qasıetti ólkemizdiń atyn shyǵaryp, álemge tanytatyn nebir chempıondar shyǵatynyna tolyq senimdimiz», -dedi aýdan ákimi Erlan Aıtahanov keshenniń ashylý saltanatynda.
Jańa sport kesheninde Túrkistan oblysynyń aýdandary men Shymkent qalasynyń balýandary qazaqsha kúresten kúsh synasty. Túıe balýandardyń aqtyq synynda Otyrar aýdanynyń namysyn qorǵaǵan Joldasbek Bektursynov jeńimpaz atanyp, 1 mln teńgeni qanjyǵasyna baılady.
Ǵalymjan ELShIBAI,
«Egemen Qazaqstan»
Túrkistan oblysy
