Jıynǵa Mádenıet jáne sport mınıstri A.Muhamedıuly, memleket jáne qoǵam qaıratkeri, professor M.Joldasbek, UǴA akademıgi S.Qasqabasov, fılologııa ǵylymdarynyń doktory Sh.Ybyraı jáne N.Rahmanov (Tashkent), T.Sadykov (Bishkek), R.Asker (Baký) syndy sheteldik ǵalymdar qatysty.
Oqý zaly qazaqstandaǵy ádebıettaný ǵylymynyń túrkologııalyq baǵytta damýyna súbeli úles qosqan ádebıettanýshy, ǵalym Beısenbaı Kenjebaev pen Nemat Kelimbetovtiń qurmetine ashylyp otyr. Túrkologııanyń qazirgi zamanaýı damý tendensııasy týraly sóz qozǵaǵan professor Myrzataı Joldasbek ǵylymnyń qalyptasý jolyndaǵy izdenisterdi tilge tıek etti.
«Túrki halyqtarynyń ejelgi dáýirde jasaǵan ádebı murasyna qazaq halqynyń da murager bolýyna quqyly dep tanyǵan Beısenbaı Kenjebaev maqsatty josparlar quryp, ornyqtyrdy. Beısekeń boıyn jasyrǵan tulpar sııaqty syrttaı qarasań momyn, ishki dúnıesi astań-kesteń bolyp turatyn kisi edi. О́te ǵulama ǵalym edi, Beısekeń. Sol bııazylyǵyna qaramaı sumdyq batyl bolatyn», dep atap ótti M.Joldasbekov.
Is-shara kórnekti túrkitanýshy ǵalym Nemat Kelimbetovtiń ǵylymı-shyǵarmashylyq murasyna arnalǵan «Qazaqstannyń qazirgi damý úderisindegi túrkitaný ǵylymy» atty halyqaralyq konferensııasymen jalǵasty. Konferensııa qatysýshylary túrkologııany búgingi qoǵamdyq-gýmanıtarlyq ǵylym salalarynyń jetistikteri turǵysynan sarapqa salyp, teorııalyq jáne praktıkalyq aspektileri týraly baıandamalar jasady. Sondaı-aq, jıyn aıasynda qazaq, orys, aǵylshyn tilderinde basylyp shyqqan dúnıe júzi túrkologııasynyń tarıhyna arnalǵan «Túrkologııa. Dúnıejúzi túrkologııasynyń tarıhy» atty kitabynyń tusaýkeseri ótti. Álemdik túrkologııanyń júrip ótken tarıhı jolyn, damý tájirıbesin, jetistikterin jınaqtaý maqsatynda jazylǵan qundy eńbek osy baǵyttaǵy alǵashqy is-tájirıbe deýge bolady. Osynaý ıgilikti iske muryndyq bolǵan «Astana» qarjy ortalyǵynyń basqarýshysy Q.Kelimbetovtiń «Túrkologııa ǵylymynyń jańa deńgeıge kóterilýi, teorııalyq-ádistemelik izdenisteriniń qaıta zerdelenýi jaqyn bolashaqtyń mindeti. Bul eńbek osy bir mańyzdy iske jol silteý bolady degen úmittemiz», degen pikiri ǵylymnyń zertteý óristerin jańasha kún tártibine qoıý kerek ekendigin aıqyndaı túsedi. Basylymnyń túrkologııanyń túrli zertteý baǵyttaryna qyzyǵýshylyq tanytatyn ǵalymdar úshin jáne ǵylym tarıhnamasymen aınalysatyn zertteýshiler úshin paıdaly bolatynyna senimdimiz. Atalǵan eńbekke atsalysqan Reseı, Ázerbaıjan, Qyrǵyzstan, Túrkııa, О́zbekstan, Qytaı, Japonııa, Mońǵolııa ǵalymdary usynǵan zertteý materıaldary XVIII ǵasyrdan bastap túrkologııa ǵylymynyń damý erekshelikteri men kópparadıgmalyq qasıetin jan-jaqty qamtıdy.
Aıa О́MIRTAI,
«Egemen Qazaqstan»
