Qazaqstannyń syrtqy qaryzy ótken jyldyń qazan aıyndaǵy esebi boıynsha, 8,6% azaıyp, 161,5 mlrd dollarǵa deıin tómendegen.
Syrtqy boryshtyń 63,7% burynǵysynsha fırmaaralyq bereshek qurasa, 25,7% baılanysty emes kredıtorlar aldyndaǵy qaryz, 7,1% memlekettik syrtqy borysh, al, 3,5%-i «Bank» sektorynyń syrtqy mindettemeleri bolyp otyr.
О́tken jyldyń 3 toqsanynda ekonomıkanyń barlyq sektorlary esebinen eldiń syrtqy bereshegi 3 mlrd AQSh dollaryna qysqardy. Al memlekettik syrtqy borysh negizinde Ulttyq banktiń qysqamerzimdi notalaryn óteý jáne olarǵa shetel ınvestorlarynyń suranysynyń azaıýy esebinen shamamen 453 mln AQSh dollaryna qysqarǵan.
Al fırmaaralyq bereshek munaı-gaz sektoryndaǵy iri kompanııalardyń sheteldik uıymdardyń enshiles kásiporyndarynan nesıeni óteý nátıjesinde 823,7 mln AQSh dollaryna tómendedi.
