Otbasylyq muraǵatymyzda atamyz Satpaı Aıtalıevtyń týǵan aǵasy, keńes dáýirindegi qazaqtyń tuńǵysh generaly Shákir Jeksenbaevtyń 1917 jylǵy attestaty saqtaýly. Ol patsha dáýirinde, ıaǵnı 1912-1917 jyldary Jáńgir han ashqan mektepti 1917 jyldyń 9 maýsymynda №217 attestatpen aıaqtaǵan. Osy mektep shańyraǵynda Shákir atamyz ólkemizge keńinen tanymal Hamıt Chýrın, Hýsaın Ishanov, Nursultan Beketov sııaqty shákirttermen birge tálim alǵan.
Osy attestatty muqııat qarastyrsaq, sol dáýirde bizdiń atalarymyzdy, qala berdi ólkemiz Ordany qalaı ataǵanyn qujattyń birinshi betinen kórýge bolady, al ekinshi betinde bul attestattyń qoldaný aıasyn, attestat ıesiniń quqyqtary men múmkindikteri baıandalady.
Sol dáýirdegi ýaqyt mezgiliniń belgilenýi de nazar aýdararlyq – «Perıod jrebemetanıa».
Bul attestatty qazirgi 8-9 synyp deńgeıinde, tipti ortasha bilim retinde de qoldanýǵa bolady desek, onda naqty qajettilikke saı, artyq jalpylama pánderdiń joq ekenin kóremiz. Alǵash ret qazaq topyraǵynda, ıaǵnı Bókeı Ordasynda, dúnıetanymdyq pánder oqytyla bastaǵanyn kóremiz. Iаǵnı, Orys tili (Vostokov, «Kratkaıa rýsskaıa grammatıka»; Esep (Býnıankovskıı, Arıfmetıka); Jaǵrafııa (Shýlgın, «Geografııa chast», 1-2); Tarıh (Ýstrıalov, «Rýsskaıa ıstorııa chast», 1-2); Islam dinı sabaǵy t.b.
Aldaǵy ýaqytta atalǵan qujattyń túpnusqasyn áskerı joǵary oqý ornyna tapsyrýdy josparlap otyrmyz.
Shákir AITALIEV,
Qazan federaldyq ýnıversıtetiniń aspıranty
Reseı Federasııasy
