Qazaqstan • 11 Qańtar, 2019

Jam­byl oblysynda júıeli ju­mys júrgizilip keledi

243 retkórsetildi

Baspana – elimizdegi barsha azamattyń baqyt shamy, tirshilik tiregi. «О́z úıim – óleń tósegim» deıtin halqymyz úshin baspana qaı kezde de barshylyqtyń, keńshiliktiń kórinisi. Alaıda keshe ǵana otaý quryp, shańyraqtyń shattyǵyn endi sezine bastaǵan jastardyń kóbinde bir degennen baspana alý múmkindiginiń bola bermeıtini belgili. 

Sonymen qatar elimizde túrli deńgeıdegi azamattardyń da «jambaspul tó­lep, jataqta júrgeni» bel­gi­li. Osy oraıda árbir aza­mat­­tyń baspanaly bolýyna múm­kin­dik retinde Elbasy «7-20-25» baǵdarlamasyn usyndy. Atal­ǵan baǵdarlamanyń kóptiń kó­ke­ı­ine úmit uıalatyp, olardyń bolashaqqa degen senimin nyqtaı túskeni anyq. 

 Elbasynyń tapsyrmasyn júzege asyrý maqsatynda Jam­byl oblysynda da júıeli ju­mys júrgizilip keledi. Ásirese ha­lyqty memlekettik baǵdarlama sheńberinde turǵyn úımen qamtý da aıtarlyqtaı júzege asýda. Ulttyq banktiń Jambyl ob­lys­tyq fılıalynyń dırektory Ev­genıı Sharygınniń aıtýynsha, «7-20-25» árbir otbasyna baspana alýdyń jańa múmkin­dik­terin beretin ıpotekalyq baǵ­darlamasy júzege asyryla bas­taǵan alty aı ishinde óńirdegi bankterde jalpy somasy 721 mıl­lıon teńgeni quraıtyn nesıe qarajaty boıynsha 80-nen astam ótinim qabyldanǵan eken. Onyń ishinde 400 mıllıon teńge kólemindegi 45 ótinim maqul­danyp, 35 azamatqa 300 mıllıon teńge nesıe berilipti. 

 Sońǵy jyldary Taraz qala­sy­nyń sáýletin keltirip, kórkin arttyrǵan nysandar arasynda «Araı» jáne 15-shaǵyn aýdany bar. Osy ýaqytqa deıin shahar tósinen boı kótergen jańa turǵyn úılerden myńdaǵan áýlıeatalyqtyń páter alyp, qonys toıyn toılaǵany este. Endi aldaǵy ýaqytta oblys ortalyǵynan 14-shaǵyn aýdany boı kóteredi dep kútilýde. Al búgingi tańda jergilikti ákimdik pen Ulttyq bank fılıalynyń birlesýi nátıjesinde «7-20-25» baǵ­darlamasyn júzege asyrý kezeń­inde onyń talaptaryn túsin­dirý, óńirdegi baspana nary­ǵynyń bastapqy nysan­dary týraly aqparat berý sııaqty birqatar jumys at­qary­lyp otyr. Osy oraıda «Taraz» áleýmettik-kásipkerlik kor­po­rasııasy ǵımaratynyń birin­shi qabatynan «7-20-25» baǵ­dar­la­masyn túsindirý boıynsha aqparattyq ortalyq ashylǵanyn aıta ketý kerek. Endi bul jerden bank-seriktesterden baǵdarlama sheńberinde turǵyn úı alý bo­ıynsha tolyq keńes alýǵa bolady. Sonymen qatar atalǵan orta­lyqta oblystyq energetıka jáne turǵyn úı-kom­mý­nal­dyq sharýashylyǵy bas­qar­ma­synyń ókilderi de «Nur­ly jol» baǵdarlamasy aıasynda «Araı» shaǵyn aýdanynan boı kótergen turǵyn úılerdiń ót­ke­r­ilýi jumystarymen aınalysýda.

«Búginde atalǵan shaǵyn aýdanda satylýǵa usynylǵan 100 pá­terdiń ishinen bireýin tańdap alý­ǵa nıettilerdiń sany shamamen 53 birlikti nemese 50 paıyz­dy qurap otyr. Olardyń 25 paıyzy boıynsha qalalyq tur­ǵyn úı-kommýnaldyq sharýa­shy­lyq bólimi tarapynan áleý­et­ti qaryzgerlerdiń tólem qabi­let­tiligin baǵalaý jáne tekserý úshin bank-seriktestikterge joldama berildi», deıdi fılıal dırektory.

 Jambyl óńirinde baǵanyń joǵarǵy shegi 25 mıllıon teńge. Bul rette Evgenıı Sharygın «BankSentrKredıt», «ATF Bank», «Halyq Banki», «Sesna bank», «Eýrazııalyq bank» jáne «Forte bank» fılıaldarynyń belsendi ári turaqty túrde jumys atqaryp otyrǵanyn aıtty. 

Hamıt ESAMAN,

«Egemen Qazaqstan»

Jambyl oblysy

Sońǵy jańalyqtar

Erlikti el bilýi tıis!

Qoǵam • Keshe

Sapardaǵy syr

Rýhanııat • Keshe

Aqańnyń amanaty

Rýhanııat • Keshe

Atyraýda qarjylyq buzýshylyqtar anyqtaldy

Aımaqtar • 21 Qarasha, 2019

Erjan Maksımge qalaı daýys berýge bolady

Qazaqstan • 21 Qarasha, 2019

«Eńbekshi qazaq» basqarmasy

100 • 21 Qarasha, 2019

Azamattyq ustanymym qalyptasty

100 • 21 Qarasha, 2019

«Eńbekshi qazaqtyń» 1000-shy sany

100 • 21 Qarasha, 2019

Taralym hám qaralym

100 • 21 Qarasha, 2019

«Egemen» esten shyqpaıdy

100 • 21 Qarasha, 2019

Qandastarǵa qamqorlyq jasaǵan

100 • 21 Qarasha, 2019

Tarhan tekti redaktor

100 • 21 Qarasha, 2019

Jazyqsyz jazalanǵan jýrnalıster

100 • 21 Qarasha, 2019

Júz jyl

100 • 21 Qarasha, 2019

Jaqsy dástúr jalǵasa beredi

100 • 21 Qarasha, 2019

Ushqyr oılar ushqyndary

100 • 21 Qarasha, 2019

Úlken joldyń úzikteri

100 • 21 Qarasha, 2019

Investısııa – damý dańǵyly

Aımaqtar • 21 Qarasha, 2019

Uqsas jańalyqtar