Jıynda Túrkistan oblysy ákiminiń orynbasary Otarbaev Málik Nurjanuly, О́zbekstan Respýblıkasynyń Qazaqstan Respýblıkasyndaǵy bas konsýly Fathýllaev Abrar Djahangeruly jáne Qazaqstan ózbekteri «Dýstlık» qaýymdastyǵynyń tóraǵasy Hashımjanov Ikram Akramuly qos eldiń tý etken tatýlyǵy men dostyq baılanysyn aıqyndaıtyn aıtýly basqosýmen quttyqtap, tarıhı fılmderdiń ortaq tárbıesi men mazmuny jóninde sóz etti.
Kıno – kez kelgen memlekettiń mádenıet aınasy ispetti. Ol, sol halyqtyń turmys-salty men dástúrin dáripteıtin qural bolyp sanalady.
Sondyqtan da búginde búkil álem kıno men telehıkaıa salasyna úlken den qoıyp júr.
Bizdiń elimizde de kıno salasyna jiti kóńil bólinip, keńinen nasıhattalyp keledi. Sebebi, kıno jaı ǵana óner emes, ol qoǵamnyń ulttyq ıdeologııasyn qalyptastyratyn úlken quraldardyń biri bolyp sanalady. Sondyqtan da, kez - kelgen memleket óz kınoındýstrııasynyń damýyna zor múmkindikter jasaıdy.
Kıno salasy men anımasııa salasynyń bizdiń óńirimizde damyp kele jatqany qýanarlyq jaǵdaı.
Byltyrǵy jyldyń ózinde óńirlik týrızmdi damytý, tarıhı-mádenı muralarymyzdy nasıhattap, jastarǵa patrıottyq tárbıe berý maqsatynda «Kúsh atasy – Qajymuqan» anımasııalyq fılmi jáne “Qalqanqulaq” qııal-ǵajaıyp telehıkaıasy túsirilip, «Kóne jetigenniń syry» atty teleserıal jáne «Kıeli Qazyǵurt», «Otyrardy qorǵaý» atty anımasııalyq fılmderi túsirildi.
Búgingi is-sharanyń eki eldiń arasyndaǵy altyn kópir, baýyrlas qazaq-ózbek halyqtarynyń dostyǵy men birligin nyǵaıtýǵa sebep bolatynyna senimim mol.
Túrki elderine ortaq, mədenıeti men ədebıeti egiz tarıhı fılmderdi nasıhattaý, kınorejısserler men akterlar arasyndaǵy shyǵarmashylyq baılanysty nyǵaıtý, təjirıbe almasýǵa jol ashý bolyp tabylady.
Qazaq pen ózbek – túbi bir týysqan halyqtar. Eki eldiń mádenıeti men salt-dástúri, dini, tili uqsas. Qazaqstan men О́zbekstan ǵasyrlar boıy saqtalǵan dostyq pen qarym-qatynasty nyǵaıtyp qana qoımaı, jańa deńgeıge kóterýde.
Túrkistan oblysyna kelip, halqymyzdyń rýhanı baılyǵyn molaıtýǵa qosqan eleýli úlesterińiz úshin alǵysymdy bildire otyryp, barshańyzdy taǵy da О́zbek fılmderi kúnderiniń ashylýymen shyn júrekten quttyqtaımyn!",-dedi Málik Nurjanuly.
Kórsetilim barysynda qazaqtyń uly aqyny Abaıdyń balalyq shaǵy, qorshaǵan ortasy, shyǵarmashylyǵy jáne muraǵat qujattaryn qoldanyp túsirilgen «Slovo Abaıa» derekti fılmi (rejısseri: Shýhrat Mahmýdov), Shyńǵys Aıtmatovtyń qıssasy aıasynda túsirilgen «Sarvkomat Dılbarım» kórkem fılmi (ssenarıı avtory: Sarvar Karımov pen Kerez Zarlıkova, rólderde: Adız Rajabov, Madına Talıpbek, Ýlýǵbek Qodırov, Elına Abaıqyzy, Bobýr Iýldoshev, Jýrabek Orzıev, Matıoqýb Matchonov, Nıgora Karımboeva, Alısher Ýzoqov), «O’zbekkino» agenttiginiń tapsyrysy boıynsha «O’zbekfilm» kınostýdııasy túsirgen tarıhı kınokartına «Oıkız» ertegisi (rejısseri: Akbar Bektýrdıev) Túrkistan qalalyq mádenıet úıine jınalǵan kórermen nazaryna usynyldy.
Aıta ketsek, 2018 jyly Qazaqstandaǵy О́zbekstan Respýblıkasy jylyna baılanysty eki eldiń dostastyǵyn arttyrý, mádenı baılanysty nyǵaıtý maqsatynda 20-dan astam is-sharalar ótkizilgen bolatyn. Olardyń qatarynda Qazaqstan ózbekteri etnomádenı birlestikteri “Dўstlık” qaýymdastyǵy jáne Halyqaralyq Ámir Temir qaıyrymdylyq qorynyń Qazaqstandaǵy bóliminiń uıymdastyrýymen «Biz bir halyqpyz», «Ámir Temir - Uly sáýletshi» atty ǵylymı-tájirıbelik konferensııasy, О́zbek Ulttyq akademııalyq drama teatrynyń Túrkistan oblysyndaǵy gastroldik sapary, «Ofarın-2018» oblystyq ánshiler baıqaýlary ótse, sonymen qatar, О́zbekstannyń Navoı oblysynda ótken Halyqaralyq «Nýrlı navolar» folklorlyq festıvaline Qazaqstannyń atynan túrkistandyq ónerpazdar qatysyp, Qazaqstan Respýblıkasynyń Táýelsizdik kúnine oraı Qazaqstannyń О́zbekstandaǵy Elshiliginiń uıymdastyrýymen Tashkent qalasynda túrkistandyq ónerpazdardyń qatysýymen merekelik konsert qoıyldy.
