Jattyǵý lagerine Reseı, О́zbekstan, Tájikstan, Aýǵanstan jáne Qazaqstan dzıýdoshylary qatysty.
Ulttyq quramanyń bas bapkeri Aıdyn Smaǵulovtyń aıtýynsha, birlesken jıyn sportshylar úshin sátti ótken.
«Halyqaralyq jattyǵý lagerine jalpy esebi 500-ge jýyq dzıýdoshy qatysty. Reseılikter úsh komanda alyp keldi. Bizdiń qurama sapynan Erlan Serikjanov (66 keli) pen Dıdar Hamza (81 keli) ǵana bara alǵan joq. Olar medısınalyq tekserýden ótýde. Jastar quramasynan 10 sportshynyń erte bardyq. Jalpy alǵanda, jattyǵý lageri eshqandaı jaraqatsyz, jaqsy ótti», - deıdi Smaǵulov.
Bas bapkerdiń aıtýynsha, komanda músheleri jańa jyldyq demalys kezinde segiz kún úzilis alyp, jattyǵýǵa qaıta kirisken.
«Endi Japonııada ótetin halyqaralyq jattyǵý jıynyna qatysamyz. Jıynǵa birneshe memleket qatysady dep kútilýde. Keıin sportshylardyń jyldyń alǵashqy jarysy – Parıjdegi Grand Slam dodasy kútip tur. Odan soń, Dıýsseldorftaǵy týrnır bastalady. Osylaısha, jarystar tizbegi bir-birimen jalǵasyp kete bermek. Kelesi jyly Olımpıada oıyndary ótedi. Sondyqtan, reıtıngilik upaıdy meıilinshe kóp jınaýǵa tyrysamyz», - dedi dzıýdodan qurama bas bapkeri Aıdyn Smaǵulov.
