Mine, osy oqýshy men muǵalimniń eńbegi synalatyn bilim saıysy qorytyndysy boıynsha 103 oqýshy marapatqa ıe boldy. Al júldegerler sany boıynsha birinshi orynǵa, ıaǵnı «Áleýmettik-gýmanıtarlyq baǵyttaǵy pənder boıynsha úzdik olımpıadalyq komanda» ataǵyna Shymkent qalasy hımııa-bıologııa baǵytyndaǵy Nazarbaev Zııatkerlik mektebi men Pavlodar qalasynyń NZM-i ıe boldy. Tildik jəne matematıkalyq olımpıadalarǵa qatysqan oqýshylardyń 24-i jeńimpaz dıplomyna ıe boldy.
«Elimizdiń barlyq óńirinen kelgen qatysýshylardyń barlyǵy pándi úzdik biletini jáne daıyndyqpen kelgeni anyq. Sondyqtan da bolar syn barysynda azdap qobaljydym. Degenmen, júldegerler qatarynan kórinetinime senimdi boldym. О́zime, óz eńbegime sendim. Ustazdarymnyń artqan senimi de jigerlendirdi», - deıdi bilim básekesinde aǵylshyn tili jelisi boıynsha ekinshi oryndy enshilegen Shymkent qalasy HBB Zııatkerlik mektebiniń oqýshysy Ińkár Ǵalymjanqyzy.
Jeńimpazdar men júldegerlerge arnaıy dıplomdy saltanatty túrde tabys etken Shymkent qalalyq bilim basqarmasynyń basshysy Aqerke Abylaıhan oqýshylardyń bilimge degen yntasyn joǵary baǵalap, sáttilik tiledi. Endi jeńimpazdar Zııatkerlik mektepterdiń namysyn respýblıkalyq olımpıadada qorǵaıtyn bolady.
Osy arada aıta ketelik, jýyrda «Nazarbaev Zııatkerlik mektepteri» derbes bilim berý uıymynyń basqarma tóraıymy Kúlásh Shámshıdınova men Shymkent qalasynyń ákimi Ǵabıdolla Ábdirahymov kezdesip, ózara yntymaqtastyq memorandýmyna qol qoıǵan bolatyn. Osy memorandým aıasynda Shymkenttegi hımııa-bıologııa baǵytyndaǵy Nazarbaev Zııatkerlik mektebi qaladaǵy 20 jetekshi bilim oshaǵymen tyǵyz-qarym qatynasta jumys isteıtin bolady.
«Qazaqstan halqyna Joldaýynda Memleket basshysy zııatkerlik mektepterdiń tájirıbesin eldegi búkil bilim berý júıesine taratyp, barlyq bilim berý mekemelerin solardyń deńgeıine shyǵarý kerek ekenin aıtty. Osyǵan oraı qalalyq Bilim basqarmasyna qarasty mektepterdiń bilim júıesine jańartylǵan oqý mazmunyn negizge ala otyryp, Nazarbaev Zııatkerlik mektepteriniń ozyq tájirıbesi engiziledi. Iаǵnı, Shymkenttegi 15 myńǵa jýyq pedagog atalǵan bilim oshaǵynyń oqý baǵdarlamasyn meńgeredi», - deıdi mektep dırektory Balqan Qasymov.
Ǵalymjan ELShIBAI,
«Egemen Qazaqstan»
Shymkent
