Túrki halyqtarynyń ishindegi aýmaǵy eń úlken respýblıkany bilesiz be? Á degennen esińizge Qazaqstan túsetini anyq. Jer kólemi jaǵynan álemde toǵyzynshy orynǵa turaqtaǵan keń jazıra dalamyzǵa bes Fransııa syıyp ketetinin aıtqanda, keýdemizdi maqtanysh kerneıdi. Biraq bes Fransııany emin-erkin ornalastyryp jiberýge bolatyn taǵy bir túrki jurty bar eken.
Ol – sonaý Soltústik muzdy muhıtymen irgeles jatqan Saha Respýblıkasy. Aıyby Reseı Federasııasynyń quramynda bolǵandyǵy demeseńiz, osynaý tynysh jatqan baıtaq ólkeniń aýmaǵy (3,1032 mln km²) jer kólemi jaǵynan segizinshi oryndaǵy Argentınadan (2,77 mln km²) úlken, muhıtqa suǵyna enip jatqan jetinshi oryndaǵy Úndistannyń (3,3 mln km²) jer kólemine jeteǵabyl. Jerasty qazba baılyqtarymen daralanatyn Saha jeri álemdik almaz naryǵynda aldyńǵy orynda.
Daıyndaǵan Aıa О́MIRTAI,
«Egemen Qazaqstan»
