Onyń aıtýynsha, sońǵy 4 jyldaǵy tutynýshylyq naryqta sáıkes kelmeıtin ónimderdiń jalpy sanynyń tómendeý tendensııasy baıqalady. Mysaly, 2015-2018 jyldar kezeńindegi tómendeý prosenti 30%-dan 14,1%-ǵa deıingini quraıdy.
«О́nim qaýipsizdiginiń aı saıynǵy monıtorıngi sheńberinde 2018 jyly ónimniń 70 myńǵa jýyq synamasy satyp alýmen qamtyldy, olardyń jalpy sanynyń ishinde zerthanalyq saraptama qorytyndylary boıynsha 9,7 myń (14,1%) tehnıkalyq reglamentterdiń talaptaryna sáıkes kelmeıdi, onyń ishinde óndirýshilerdiń tańbalaý qaǵıdalaryn saqtamaýy – 69%-da, qaýipsizdik talaptaryna sáıkes kelmeıtinderi – 23,5%, sondaı-aq fızıkalyq-hımııalyq kórsetkishter boıynsha sáıkes emestik – 7,2%» dedi Densaýlyq saqtaý mınıstri.
Sonymen qatar mınıstr Qoǵamdyq densaýlyq saqtaý komıteti qaýipti ónimderdi ǵana emes, sonymen qatar sapasyz ónimderdi anyqtaý boıynsha sharalardy qabyldaıtyny týraly aıtty. О́simdik maıynyń quramyn anyqtaý úshin jasalǵan ónimder synamasynda 99 ósimdik maıy, shujyq quramyna jasalǵan shoshqa DNQ boıynsha 143 ónimniń jalǵan ekeni anyqtaldy. Jalpy alǵanda, ónimderdiń qaýipsizdigi monıtorınginiń qorytyndysy boıynsha sáıkes kelmeıtin ónimniń negizgi bóligi, ıaǵnı 66%-y ımporttyq ónim, al 34%-y otandyq óndirýshilerdiń ónimi eken.
Mınıstrliktiń Qoǵamdyq densaýlyq saqtaý komıteti QR AShM-ge Reseı Federasııasy men Belarýs Respýblıkasy ónimderiniń 18 óndirýshisine qatysty materıaldar jibergeni málim boldy. Olar boıynsha veterınarııalyq-sanıtarııalyq sharalar, onyń ishinde kúsheıtilgen zerthanalyq baqylaý qabyldanǵan.
Odan bólek mınıstr EAEO-ǵa múshe memleketterdiń ýákiletti organdaryna anyqtalǵan sáıkes kelmeıtin ónimderge qatysty tıisti sharalar qabyldaýy úshin 30-ǵa jýyq habarlama jiberilgeni týraly aıtyp ótti.
Onyń aıtýynsha, ónimderdiń qaýipsizdigine monıtorıngti taldaý nátıjesi qaýipsizdik pen sapa kórsetkishterine sáıkes kelmeıtin ónimniń basym bóligi óreskel buzýshylyqtarymen berilgen sáıkestik sertıfıkattarymen elimizge ákelinetinin kórsetken. Osylaısha, mınıstrlik bir jyldyń ishinde 6,3 myńǵa jýyq «jalǵan sertıfıkatty» anyqtaǵan, onyń ishinde 3,5 myńyn Reseı Federasııasynyń, 2,7 myńyn Qazaqstan Respýblıkasynyń sáıkestikti rastaý jónindegi organdary bergen.
Sonymen qatar kameraldyq baqylaý qorytyndysy boıynsha sot sheshimine baılanysty syrtqy ekonomıkalyq qyzmetke 47 qatysýshynyń qyzmeti toqtatylyp, mınıstrlik 2018 jyldyń tamyz aıynan bastap kúshine engen balalar oıynshyqtaryn shartty shyǵarý rejıminde ákelýge tyıym salý týraly QR Úkimetiniń Qaýlysyna bastama jasaǵan.
