Negizgi dińgegin «Aqbota» qoǵamdyq qory men úkimetaralyq uıymdar ustap otyrǵan joba atalǵan aýdannyń 6 aýyl aımaǵyn qamtyp, ony iske asyrýǵa keminde 16 myń adam qatystyrylady. Buǵan qosymsha, Aqmola oblysynyń úsh aýdanynyń turǵyndaryn aýyz sýdy únemdeý baǵytyndaǵy jańa tehnologııa negizderin oqytýǵa tartyp, Astana mańyndaǵy aýyldardyń 30 myńnan astam adamyn aqparattandyrý josparlanǵan.
Sonymen qatar, Arnasaı aýylyndaǵy 10-16 jas aralyǵyndaǵy 35 múshesi bar «Jas Fermer Mektebinde» klımattyq ózgeristerge baılanysty mektep jáne turǵyndar baqshasynda kókónisterdi tamshylata sýarý tehnologııasyn uıymdastyrý máselesi zertteldi. Belgili ǵalymdar men mamandardyń qatysýymen atqarylǵan jumys nátıjeleri Qazaqstannyń soltústik óńirinde sý shyǵynyn 2 esege qysqartýǵa jáne arnaıy alańdarda ónimdilikti anaǵurlym arttyrýǵa múmkindik barlyǵyn dáleldep otyr.
Arnasaılyqtar turmysy tómen, kópbalaly jáne jalǵyzbasty aýyldastaryn 3 tekshe metrlik sý jınaǵyshtarmen, sý sorǵyshtarmen, basqa da jabdyqtarmen qamtamasyz etýge kómektesip jatyr. Sońǵy eki-úsh jyldyń arasynda Arnasaı aýylynda tamshylatyp sýarý júıesindegi 160 ýchaske, Jibek Joly, Volgodonovka, Mıhaılovka aýyldarynda, Babataı stansasynda jáne Arshaly kentinde 10 tájirıbelik ýchaske uıymdastyryldy.
Baıqal BAIÁDIL,
«Egemen Qazaqstan»
Aqmola oblysy,
Arshaly aýdany.
