Táýelsizdikke ıe bolǵan ýaqyt ishinde aýqymdy ekonomıkalyq, saıası jáne áleýmettik reformalar júzege asyryldy. Elbasy halyqty orasan zor isterge jumyldyrdy, qoǵamdaǵy tatýlyq pen kelisimdi nyǵaıtý isinde álem tálim alarlyq saıasat ustandy. Elimizdiń syrtqy saıası baǵytyn dál nusqap, qazaq memleketiniń shekarasyn aıqyndady, tórtkúl dúnıege teń terezeli el retinde moıyndatty.
Bıylǵy Qazaqstan Respýblıkasynyń Prezıdenti N.Nazarbaevtyń Qazaqstan halqyna arnaǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda qoǵamnyń barlyq salasyn qamtydy: bilim berý mekemeleri janynan «Sarbaz» áskerı-patrıottyq tárbıe beretin ortalyqtar, kýrstar ashý jónindegi tapsyrmalar berildi. Bul óz kezeginde óskeleń urpaqtyń áskerı qyzmetke degen qyzyǵýshylyǵyn arttyryp qana qoımaı, eli men jeriniń shyn qorǵany bolý jolyndaǵy talpynysty aıqyndaıdy. Jalpy táýelsizdigine jıyrma alty jyl ýaqyt bolǵan el egemendiginiń tarıhyna úńilsek, memleketimizdiń alýan baǵyttaǵy tynys-tirshiliginiń damýy Elbasymyzdyń halyqqa arnaǵan Joldaýlarynyń jemisi.
Al eń bastysy – elimizdiń rýhyn kóteretin, uly maqsattarǵa jetkizetin «Máńgilik el» ulttyq ıdeıasy bolyp tabylady. «Máńgilik el» ıdeıasy – qazaq eliniń ǵasyrlar boıy armandaǵan maqsaty ǵana emes, Táýelsizdik jolyndaǵy janqıarlyq eńbegi men tynymsyz shyǵarmashylyǵynyń nátıjeleri arqyly qol jetken asý.
Elbasymyz N.Nazarbaevtyń «Uly dalanyń jeti qyry» maqalasy – Qazaq eliniń ómirindegi erekshe mura. Atqa miný mádenıeti, ejelgi metal óndirý men óńdeý tehnologııasy, ań stıli óneri, búkil álemdi tamsandyrǵan Dala órkenıetiniń jádigeri − «Altyn adam» jaýyngeri, túrki áleminiń besigi sanalatyn Altaıdan bastaý alatyn túrki tarıhy, álemdik ekonomıkanyń órkendeýine septigin tıgizgen – Uly Jibek joly júıesi, elimizdiń aýmaǵynda oryn alǵan tarıhı jaıt qana emes, sonymen qatar qazaqstandyqtar úshin de asa qymbat qundylyqtar, umytylmas tarıh bolyp tabylady.
Túrki álemi ejelden Qazaqstandy – kúlli túrki halyqtarynyń qasıetti qarashańyraǵy retinde moıyndaıdy. Al kıeli Túrkistan qalasy halqymyzdyń rýhanı ortalyǵy ǵana emes, sondaı-aq, búkil túrki álemi úshin kıeli orynnyń tek bizdiń elimizde ornalasqany árbir qazaqtyń júreginde maqtanysh sezimin oıatady.
«Rýhanı jańǵyrý» baǵdarlamasynyń jalǵasy bolatyn Elbasynyń tarıhı sanany jańǵyrtýǵa baǵyttalǵan usynystary memleketimizdiń nyǵaıýyna septigin tıgizetinine tolyq senimdimin.
Elbasyna úlken úmitpen, salıqaly senimmen qaraı otyryp parasatty sheshimderine alǵysymyzdy aıtamyz. Elbasy joldaýy erteńgi kúnge degen senimimizdi nyǵaıta túsedi, «Uly dalanyń jeti qyry» sekildi maqalalary jastardyń túp-tamyrymyzdy jete tanýdyń joly, ultymyzdyń tarıhyn, salt-dástúrin esten shyǵarmaı, bilip júrý maqsatynda jarııalanǵan. Otanymyzdyń kemel keleshegine degen jaýapkershilikti Elbasymen bólise otyryp, alǵa qoıylǵan maqsattardy júzege asyrýda bar kúsh-jigerimizdi aıamaımyz.
Ǵazız TÝLEÝShEV,
Qorǵanys mınıstrligi
Keńes Odaǵynyń Batyry Sabyr Rahymov atyndaǵy
Shymkent respýblıkalyq «Jas ulan» mektebiniń bastyǵy,
polkovnık
