Atalǵan eńbek «Depýtat» gazetiniń uıymdastyrýymen Rýhanı jańǵyrý baǵdarlamasy aıasynda jaryqqa shyqqan. Budan bólek, bıyl – Qazaqstan Respýblıkasy Máslıhattarynyń 25 jyldyǵy. Sondaı-aq jas býynǵa senim syılaǵan jastar jyly ekeni málim. Ensıklopedııanyń avtory ári atalǵan gazettiń bas redaktory bul jınaqtyń osy qos toıy qabat kelgen qoǵam músheleri men sol jastarǵa árdaıym úlgi bolyp júrgen aǵa tolqynǵa arnaǵan syıy ekenin tilge tıek etti.
Kitaptyń avtory Elmıra Úsenqyzynyń jınaqty jaryqqa shyǵarý barysynda basynan ótkizgen oqıǵalary qatysýshylarǵa erekshe áser etti. Ol osyǵan deıin «Táýelsizdikke 25 jyl» ensıklopedııasyn qurastyrǵan. «Kitapqa qarjy men qor jınap júrgende haýyzda aıaǵym taıyp qulap, bas-dene jaraqatyn aldym. Oıymda oılastyryp qoıǵan dúnıelerim túgili telefonymnyń kodyn umytyp qaldym. 1 aı boıy tósek tartyp jattym. Bar kúshimdi jınap, aıaqqa turǵan soń, jınaqty jaryqqa shyǵaram degen ýádemdi oryndaýǵa bel býdym. Gazetimizdiń barlyq ujymy jumyla iske kiristi. Jazylyp bitkende ony shyǵarýǵa demeýshi izdeı bastadyq. О́ıtkeni oǵan jınaǵan qarajatymdy emdelýge jumsaǵan edim. Men taban tozdyrmaǵan tabaldyryq qalmady. Úmit oty sóndi. Sol sátte Soltústikten ún estildi. Ol – Altynbek Seıpilulynyń qoldaýy edi», deıdi avtor. Kitap Soltústik Qazaqstan oblysy máslıhatynyń depýtaty, «Noǵaıbaı» JShS dırektory, «Jyl mesenaty – 2018» nomınasııasynyń ıegeri A. Seıpilulynyń demeýshiligimen shyǵarylǵan.
Belgili jýrnalıst, memleket jáne qoǵam qaıratkeri Saýytbek Abrahmanov kitaptyń lentasyn qıdy. Sondaǵy sóılegen sózinde: «Atqaminer azamattardyń, ásirese osy bılik pen halyqtyń arasynda altyn kópir bolyp júrgen depýtattar tóńireginde qıǵash pikirler jıilep ketti. Al shyn máninde memlekettik qyzmet – aýyr mindet. Osyndaı ortada ter tógip júrgen jandardyń eńbegin elep, bir jınaqqa basyn qosý – úlken jumys. О́zi de joly aýyr kitap bolǵan eken. Jalpy jazýdyń, basýdyń, jaryqqa shyǵarýdyń qandaı bolatynyn bilemin. Sondyqtan baǵalaımyn», deı kele, avtorǵa tabys tiledi.
Al óz kezeginde Baqytjan Jumaǵulov jınaqtyń jaryqqa shyǵýyna atsalysqan barlyq jas ujymǵa jáne arnaıy demeýshige alǵys aıtty.
Aıdana ShOTBAIQYZY,
«Egemen Qazaqstan»
