Aýdarma • 22 Qańtar, 2019

Júrgizýshisiz kólikterge jasalǵan shabýyl

322 retkórsetildi

Qazan aıy edi. Shabýyldaýshy parkten shyǵyp, qurbandyǵyna qaraı bet aldy. Basty – nysana Google-ǵa qarasty ózdiginen júretin kólikterdi qamtamasyz etetin Waymo kompanııasyna tıesili fýrgon. 

Chandlerdegi Waymo fýrgony. Qala turǵyndary qaýipsizdik pen jumystyń joǵalýyna qatysty bılikke jıi shaǵym túsiredi. Keıtlın O’Hara, «Nıý-Iork Taıms»

Sımon ROMERO,

«Nıý-Iork Taıms» – Chandler (AQSh)

Ol kóliktiń dóńgelekterin jaryp, kózden tasa boldy. Jalpy, eki jyldan beri jıyrma shaqty ret Chandlerdegi ózdiginen júretin mashınalardyń dóńgelek tesip ketken-di. Waymo kompanııasy qalada 2017 jyldan beri fýrgondardy synaqtan ótkizip jatyr. Qala turǵyndary jasandy ıntellektiń damýyna qarsy kózqaras ustanǵan. Qaýipsizdikten bastap, jumys túriniń joıylyp ketý yqtımaldyǵyn jıi kóteredi.

Keıbireýler Waymo fýrgondaryn taspen búldirip ketken. Keıbiri kólikterdi barymtalap ketýge de talpynyp kórdi.

Qaýipti jaǵdaılar da kezdesedi. Birde 22-kalıbrli revolverden Waymo avtokóligin atyp, artynsha jedel kómekke kelgen kompanııa qyzmetkeriniń mashınasyna oq jaýdyrdy. Ol polısııaǵa bergen jaýabynda ózdiginen júretin kólikterdi jaqtyrmaıtynyn aıtyp, Uber kompanııasyna tıesili júrgizýshisiz mashınanyń byltyr naýryzda áıel adamdy basyp ketkenin eske túsirdi.

«Synaqtan ótkizetin basqa jerler bar ǵoı», deıdi 37 jastaǵy Erık O’Polka. Qarashada ol Jeep Wrangler kóligimen Waymo fýrgondaryn joldan shyǵaryp tastamaq bolǵandyqtan, polısııa oǵan eskertý jasaǵan edi.

Uber-diń ózdiginen júretin kóligi byltyr naýryzda Temp qalasyndaǵy osy bir júrginshiler jolaǵynda adam basyp ketken edi.  Keıtlın O’Hara, «Nıý-Iork Taıms»

Onyń aıtýynsha, búkil másele dalada oınap júrgen 10 jastaǵy balasyn júrgizýshisiz kólikter qaǵyp ketýge shaq qalǵanda bastalǵan. «Olar shynaı ómirde synaq jasap kórmekshi, biraq men shynaıy ómirdegi qateliktiń qurbany bolǵym kelmeıdi», deıdi ol.

Chandlerde Waymo fýrgondaryna jasalǵan keminde 21 oqıǵa tirkelgen. Sarapshylardyń sózine súıensek, júrgizýshisiz kólikterge qatysty pikirtalastyń keń taraýynan olarǵa jasalǵan shabýyldyń sany da artýy múmkin. Pikirtalas barysynda shopyrlardyń jumyssyz qalýynan bastap, jedeldikke qatysty máselelerge qatysty qaýipter aıtylady.

«Adamdar ózin aqtap alady», deıdi «Google avtobýsyna tas laqtyrý» kitabynyń avtory Dýglas Rýshkoff.

«Alpaýyt korporasııalar júrgizýshisiz tehnologııaǵa qyzyǵýshylyǵy bizge jany ashyǵandyqtan emes degen túsinik qalyptasyp keledi. О́zin almastyratyndaı jasandy ıntellektke beıimdelgen kólikterdiń ishinde otyrǵan adamnyń jaǵdaıyn oılap kórińiz», deıdi ol.

Chandler polısııa departamentiniń ofıseri Ýılıam Djonson Chrysler PT Cruiser kóliginiń júrgizýshisi Waymo fýrgonyn shatastyrý úshin joldaǵy eki jolaqtyń ortasynda qalaı turyp alǵanyn túsindirip berdi.

Onyń raportyna súıensek, Waymo kompanııasyndaǵy menedjer oqıǵany sotqa súıreýge qulyqty emes. О́ıtkeni bul synaqtan ótkizýge kedergi keltirýi múmkin.

Waymo-nyń hatshysynyń aıtýynsha, Arızona shtatynda olardyń kólikteri árbir 40 000 shaqyrym saıyn shabýylǵa tap bolady eken. Al shtattyń bıligi júrgizýshisiz kólikteri bar kompanııalarmen jumys isteýge yntaly.

Fenıks qalasynyń tranzıttik júıesine kómektesetin Valley Metro kompanııasynyń basshysy Rob Antonııak týıtterdegi paraqshasyna joǵarydaǵy oqıǵaǵa qatysty «bolashaqtyń kóligine qarsy tas laqtyryp, dóńgelek jaryp ketýine jol joq» dep jazdy.

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar