Kelisimge 2018 jylǵy 2 aqpanda Eýrazııalyq úkimetaralyq keńestiń otyrysynda Almaty qalasynda qol qoıylǵan bolatyn.
Kelisimniń negizgi maqsaty - Eýrazııalyq ekonomıkalyq odaqta taýarlardyń zańdy aınalymyn, tutynýshylardyń quqyqtaryn qorǵaýdy jáne olardy jańylystyratyn áreketterdiń aldyn alýdy qamtamasyz etý úshin taýarlardy sáıkestendirý quraldarymen tańbalaý salasynda kelisilgen, úılestirilgen saıasat júrgizý.
Qujat tańbalanatyn taýarlardyń aınalymyna baqylaýdy júzege asyrý jolymen kóleńkeli ekonomıkanyń kólemin qysqartýǵa jáne bıýdjetke salyq túsimderin ulǵaıtýǵa baǵyttalǵan.
Kelisim Eýrazııalyq ekonomıkalyq komıssııa Keńesiniń sheshimimen tizbesi bekitiletin tańbalanýǵa jatatyn taýarlardy Eýrazııalyq ekonomıkalyq odaq sheńberinde birizdendirilgen sáıkestendirý quraldarymen tańbalaý tártibin aıqyndaıdy.
Sonymen qatar, Kelisimmen sáıkestendirý quraldarynyń biryńǵaı tizilimin qalyptastyrý jáne júrgizý, Odaqqa múshe memleketterdiń Eýrazııalyq ekonomıkalyq komıssııany taýarlardy tańbalaýdy engizý jóninde nıetteriniń bar ekendigi týraly habardar etý, Odaqqa múshe memleketterdiń ýákiletti organdary arasyndaǵy aqparattyq ózara is-qımyl tártibi, sondaı-aq olarǵa tańbalanýǵa qoıylatyn talaptar men tańbalaý sharttary qoldanylmaıtyn taýarlar reglamentteledi.
Kelisim aıasynda Odaqqa múshe memleketterdiń usynystary, taýarlardy tańbalaýdy engizýdiń oryndylyǵyn taldaýdyń, bıznes júrgizý jaǵdaıyna tańbalaý engizýdiń áseri, tańbalaýdyń tehnologııalyq múmkindikteri bolýy týraly aqparattyń, sondaı-aq taýarlarǵa qatysty olardyń aınalymyna baqylaýdyń ózge júıesiniń jumys isteıtindigi týraly aqparattyń negizinde Komıssııa Keńesi taýarlardy tańbalaýdy engizý týraly sheshimdi qabyldaıdy.
Otyrysta sondaı-aq «2014 jylǵy 29 mamyrdaǵy Eýrazııalyq ekonomıkalyq odaq týraly shartqa ózgeris engizý týraly hattamany ratıfıkasııalaý týraly» zań jobasy qaraldy.
Osy Hattamaǵa Eýrazııalyq ekonomıkalyq odaqqa múshe memleketterdiń basshylary 2018 jylǵy 15 naýryzda Máskeý qalasynda qol qoıdy.
Hattamanyń maqsaty 2014 jylǵy 29 mamyrdaǵy Eýrazııalyq ekonomıkalyq odaq týraly sharttyń 10-babynyń 2-tarmaǵyna Joǵary keńestiń quramyna múshe memlekettiń basshysy ǵana emes, sonymen birge óz memleketiniń zańnamasyna sáıkes, Joǵary keńestiń quzyretine kiretin máseleler jóninde sheshimderdi qabyldaý ókilettikteri berilgen múshe memlekettiń Úkimet basshysyn qosý múmkindigin belgileý bóliginde ózgeris engizý.
EAEO týraly shartqa ózgeris engizý qajettigi Armenııa Respýblıkasyndaǵy konstıtýsııalyq ózgeristerge baılanysty, olarǵa sáıkes Armenııa Respýblıkasy 2018 jylǵy sáýirden bastap Armenııa Respýblıkasy Prezıdentiniń syrtqy saıasat salasyndaǵy negizgi ókilettikterin Armenııa Respýblıkasynyń Úkimeti men Premer-Mınıstrine berýdi kózdeıtin parlamenttik basqarý nysanyna tolyǵymen kóshken bolatyn.
Qujattar Palatanyń qaraýyna berildi.
