Jańaqala aýdanynyń aýmaǵynda 2019 jyldyń 17 qańtar kúni saǵat 09:00-de aýdandyq Tótenshe jaǵdaılar bólimine BQO Jańaqala aýdany Jańajol a/o ákimi azamat A.Q.Orazalıevtan 2019 jyldyń 16 qańtar kúni saǵat 09:32-de Jańaqala aýdany Jańajol a/o qarasty Sarykól eldi mekeniniń turǵyny Turashev Altaı Jaqsylyquly (20.07.1978 j.t.) jeke atymen dalaǵa (sıyr) malyn izdeýge shyǵyp, keri úıine qaıtpaǵany týraly habar tústi. Habar alysymen Jańaqala aýdany Jańaqala aýylynan 2 ÝAZ (Tabletka), 3 NIVA avtokólikteri shyǵyp, О́SB-den 2 adam, Jańaqala aýdany TJB-synan 1 adam, jergilikti atqarýshy organnan 3 adam, Jańaqala aýdany ishki ister bóliminen Aıdarhan a.o. polısııa bóliminen 1 adam jáne jergilikti turǵyndardan 13 adam shyǵyp, izdestirý júrgizdi. Izdestirý nátıjesinde 17.01.2019 j. saǵat 18:25-te joǵalǵan azamat A.J. Turashev Jańajol a/o Sarykól eldi mekeninen 65 shaqyrym jerden tabyldy, densaýlyǵy jaqsy, eshbir jerin úsik shalmaǵan, jyly jerge ornalastyryldy.
Aldaǵy ýaqytta Jańaqala aýdany Tótenshe jaǵdaılar bólimi barshańyzǵa qys aılarynda aýa raıy qolaısyz kúnderi uıaly telefonyńyzǵa «112» nómirinen habarlama kelse, alys saparǵa shyqpaı, úıde bolýlaryńyzdy, qaýipsizdik sharalaryn saqtaýǵa, joldan adasyp ketken jaǵdaıda nemese basqa da tótenshe jaǵdaılarǵa tap bolsańyz dereý «101» jáne «112» nómirine habarlasýyńyzǵa keńes beredi.
