Kúntizbege saı Qazaqstandaǵy fýtbol maýsymy 3 naýryz kúni Qazaqstan Sýperkýbogymen ashylady. Onda 2018 jylǵy el chempıony «Astana» men Qazaqstan kýbogynyń jeńimpazy «Qaırat» komandalary kezdesedi. Al Premer-lıganyń birinshi týr oıyndary 9-10 naýryz kúnderi ótse, sońǵy týr matchtary 10 qarashada ótedi dep josparlanǵan.
10 sáýirde Qazaqstan Kýbogy oıyndarynyń 1/8 fınal kezeńi bastaý alsa, 22 qyrkúıek kúni fınaldyq oıyn ótedi. Sonymen qatar 18-26 naýryz, 3-11 maýsym, 2-10 qyrkúıek, 7-15 qazan jáne 11-19 qarasha kúnderi FIFA-nyń resmı kúntizbesi dep bekitildi. Bul ýaqyt aralyǵynda Ulttyq qurama fýtbolshylary 2020 jylǵy Eýropa chempıonatyna irikteý matchtary men Ulttar lıgasynyń resmı oıyndaryn ótkizedi.
Daıyndaǵan Álı BITО́RE,
«Egemen Qazaqstan»
