Sonymen qatar, partııa Taraz qalalyq fılıalynyń kezekten tys konferensııasyna delegattar saılandy. Jınalys jumysyna bastaýysh partııa uıymynyń tóraǵasy, bastaýysh uıymnyń Bıýro músheleri jáne partııalyq toptardyń músheleri qatysty.
Qazirgi tańda «Araıstroımarket-2003» bastaýysh partııa uıymynda 496 partııa múshesi bar. Osy oraıda BPU tóraǵasynyń orynbasary Mınýra Bojymbaeva partııa qurylǵan 20 jyl ishinde elimizdiń ekonomıkasy men áleýmettik damýy jolynda úlken jumystar atqarylǵanyn atap ótti. Sondaı-aq, jıynda «Nur Otan» partııasy Taraz qalalyq fılıaly «Araıstroımarket-2003» JShS bastaýysh partııa uıymynyń Bıýro múshesi Baqyt Saparalıeva partııanyń 2030 jylǵa deıingi Baǵdarlamasy jobasynyń negizgi erejeleri týraly baıandady.
Kún tártibindegi úshinshi másele – partııa Taraz qalalyq fılıalynyń kezekten tys konferensııasyna saılanatyn delegattardyń quramy boıynsha Aınur Jamanqulova usynys jasady. Partııa Taraz qalalyq fılıaly Saıası keńesi Bıýrosynyń qaýlysymen bekitilgen ókildik norma boıynsha 76 partııa múshesinen 1 delegat saılanady. Sol sebepti, 496 partııa múshesi bar bastaýysh partııa uıymynan 6 delegat usynylyp, tizim partııa músheleriniń qoldaýymen bekitildi.
Hamıt ESAMAN,
«Egemen Qazaqstan»
Jambyl oblysy
