19 Aqpan, 2019

Jańa jobalardyń tusaýyn kesti

256 retkórsetildi

Almatyda Dostyq úıinde «Qazaqstannyń 100 jańa esimi» jobasy jeńimpazdary «Meniń jetistigimniń tarıhy – elimniń jetistiginiń tarıhy» degen taqyrypty qala jastarymen birge otyryp talqylady. 

Elimizdiń bas qalalaryn­da  kóshelerde ilingen olar­dyń fotosýretteri men eldik­ti, birlikti, eńbekti, adaldyqty tý etken jarqyn isteri, para­satty pikirleri árbir qazaq­stan­dyqqa oı salyp, pat­rıot­tyqqa shaqyrdy, úzdik bolyp shyǵýǵa umtyldyrdy. 

«Bul adal eńbektiń qun­­dy­lyǵyn arttyrdy. Se­be­bi quldyq sanadan azat bol­ǵa­ny­men, qulqynnyń qul­dy­­ǵy­­nan qutyla almaı, álem ór­ke­nıetiniń kóshi­ne iles­keni­men, rýhanı baı­lyq­tan ajy­rap qala jazdaǵan jańarý men jańǵyrý­dyń, ulttyq qundy­lyq­­tarǵa qaıta oralyp, rý­hanı jańǵyrýdyń shyn má­de­nıetin uǵynǵandaı boldy. Mu­nyń bizdiń memle­ke­timiz úshin der kezinde qabyl­dan­ǵa­nyn endi túısinip jatyrmyz», dedi Qazaqstan halqy As­sam­bleıasy tóraǵasynyń oryn­basary Leonıd Proko­penko. 

Onyń paıymdaýyn­sha, joba­nyń árbir jeńimpazy­nyń tarıhy quddy bir kór­kem shyǵarma nemese fılm­niń daıyn ssenarııi tárizdi. Olardyń árqaısysynyń qa­lyptasýy men qol jetkizgen tabystary – táýelsiz Qazaq­stan tarıhynyń jetistigi. Osy jyl­dar ishinde olar óz­deri­­­niń mańdaı terimen jáne boı­­­­laryna bitken daryny­men bola­shaqqa dańǵyl jol saldy. 

Qazaqstan halqy Assam­bleıasy tóraǵasynyń oryn­basary – Prezıdent Ákim­shi­ligi QHA hatshyly­ǵy­nyń meńgerýshisi Leonıd Pro­kopenko tutas halyq qalaǵanyna qol jetkizýi úshin de bi­reýmen ıyq teńestirýge umty­la bilýi kerek ekenin tilge tıek etip ótti. Qazaqstan hal­qy Assambleıasy tóraǵa­synyń orynbasary alǵashqy ke­zeńinde 102 adamdy alǵa shyǵaryp, talaı talantty ta­nyt­qan joba bıyl da elimiz bo­ıynsha tulǵalyq sıpatqa ıe adamdardy izdeý aldaǵy ýaqytta da jalǵasa beretinin aıtty. 

Leonıd Prokopen­ko­nyń aıtýynsha, jas ǵa­lym­dar ǵylymı zertteýlerin júr­gizýge arnalǵan granttardy eki ese kóp alatyn bolady. 
«Jastar jylynyń ashy­lýyn­da Prezıdent Qazaq­stan­da ja­ńa tehnologııalar­ǵa, jańa ká­sipke negizdelgen 1200 ja­ńa kásiporynnyń quryl­ǵan­dyǵyn atap ótti. Munyń bar­­lyǵy da jastar úshin jasa­lý­da. Sizder sol kásip­­oryn­da ju­mys istep, Qazaq­­stan­nyń jańa ındýs­trııa­syn ilgeri­le­te­tin bolasyzdar», dedi ol.

«Qazaqstannyń 100 jańa esimi» jobasy jeńimpazdary biri – QR DSM Pedıatrııa já­ne balalar hırýrgııasy ǵy­lymı ortalyǵynyń kardıo­hı­rýrgııa jáne ınterven­sııa­lyq kardıologııa kafedra­synyń meńgerýshisi, bıyl­ǵy jeńimpaz Gúljan Sársen­baeva. Gúljan mektep qabyr­ǵasynda S.Belıaevtyń «Golova professora Doýlıa» jáne L.Tolstoıdyń «Gıperboloıd ın­jenera Garına» atty ki­taptaryn oqýy dáriger maman­dyǵyn tańdaýyna sebep bol­ǵanyn aıtty. 

«Maǵan sol kitaptarda ja­z­ylǵan tehnologııalar qy­zyqty bolatyn. Men sol kez­de qııal-ǵajaıyp sanaǵan teh­nologııalar qazirgi ýaqyt­ta engizilip jatyr. Qazirgi ýa­qytta men jasandy qan aına­lymy arqyly balalardyń júregine ota jasap júrmin. «Gıperboloıdta» sýrettelgen sáýle qazirgi medısınada qol­danylyp júrgen lazerge uq­saıdy», dedi ol.

Kezdesý barysynda «Jań­ǵyrý joly» respýblıka­lyq jas­tar qozǵalysynyń belsen­dileri «Jastar jyly – danǵyl jol!» joba­sy­nyń ashy­lýyn habarla­­dy. Joba­nyń basty maqsaty − qazaq­standyq jastardyń bá­se­kege qabilettiligin art­tyrý­ǵa baǵyttalǵan áleýmet­tik joba­lar men áleýmet­tik lıf­ti­ler platformasyn is­ke asyrý úshin jaǵdaı jasaý. Osynyń sheńberinde eń úzdik úsh jobaǵa baıqaý­dyń tusaýy kesildi. Alǵash­qy­sy «Birlik» – eń úzdik áleý­­mettik joba, ekinshisi, «Jomart jan» – eń úzdik erik­­tiler (volonterler) jobasy. Al úshinshi joba – «Shańyraq» el kólemindegi eń úzdik jobalarǵa aqparattyq qoldaý bildiretin, solardyń alǵa jyljýyna jol ashatyn áleýmettik-aqparattyq baǵytty qamtıdy. 

Qatysýshylar joba avtor­laryna jan-jaqty suraq qoıyp, jarııalanǵan taqy­ryp keńinen tarqatyldy. Táji­rıbeli mamandar «armanyń­nan bas tartpa» dep, jas­tardyń júreginde qulshynys energııasynyń tetigin bas­qandaı áser qaldyrdy. 

«Bul jobalar jastardyń tyń ıdeıasy men startaptaryn qoldaý maqsatynda uıymdastyryldy. Bunyń barlyǵy jastar men olardyń tyń jobalaryn júzege asyrý maqsatynda júrgizilýde. Úzdik dep tanylǵan startap jobalardyń avtorlary óz ıdeıalaryn iske asyrýǵa múmkindik alady. Basty maqsat – jastarǵa jol ashý, basyn qosý, bul óz kezeginde «Rýhanı jańǵyrý» baǵdarlamasynyń júzege asyrý», dedi QHA Tóraǵasynyń orynbasary – Hatshylyq meńgerýshisi Leonıd Prokopenko.

Gúlbarshyn SABAEVA, 

«Egemen Qazaqstan» 

ALMATY

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar