Syrtqy saıası vedomstvosynyń basshysy óz sózinde Qazaqstandaǵy mańyzdy áleýmettik-saıası úderisterdi talqylaýǵa arnalǵan dıalog alańy retinde KKO-nyń biregeıligin atap ótti. KKO memlekettik saıasattyń ashyqtyǵy men azamattyq qoǵammen dıalog ornatý beıildiliginiń kórinisi bolyp tabylady.
KKO qalyptasqan sátten bastap, talqylaýlardyń mazmuny men ózektiligi eshqashan tómendemegen emes, kerisinshe qozǵalatyn taqyryptarǵa degen táýeldiligi artyp, konstrýktıvti baǵytymen erekshelene tústi.
«Búgingi tańda Qazaqstan Respýblıkasy adam quqyqtaryn kótermeleý jáne qorǵaý salasyndaǵy barlyq negizgi halyqaralyq quraldardyń qatysýshysy bolyp tabylady. Bul memleketimizdiń adam quqyqtaryn qorǵaý qundylyqtary men qaǵıdattaryna, sondaı-aq adam quqyqtaryn qorǵaýdyń ulttyq júıesin dáıekti jetildirý ustanymyn kórsetetini sózsiz», - dep atap ótti Mınıstr.
Qazaqstandyq quqyq qorǵaýshylar óz kezeginde KKO-nyń jumysyna tolyqqandy qoldaý kórsetip, qazaqstandyq memlekettik organdarǵa syndarly jumys atqarǵany úshin rızashylyǵyn bildirdi. Qazaqstandyq ÚEU-dyń qatysýshylary óz sózinde KKO-nyń rólin jáne KKO-nyń sheńberinde talqylanatyn adam quqyqtaryn qorǵaý aspektilerin is júzinde júzege asyrýdyń mańyzdylyǵyn atap ótti.
Is-sharanyń kún tártibine sáıkes, KKO-nyń 2019 jylǵa arnalǵan Jumys jospary qabyldandy. Memlekettik organdar men úkimettik emes uıymdardyń ókilderi ústimizdegi jyly atqarylatyn birlesken jumysqa naqty usynystar engizdi.
Otyrys barysynda qatysýshylar KKO-nyń 2018 jyly atqarǵan jumysyna qorytyndy jasady jáne Ámbebap jan-jaqty merzimdi sholý sheńberinde adamı ólshem salasyndaǵy usynymdardyń iske asyrý barysyn talqylady.
Otyrysqa QR Parlamenti Májilisiniń depýtattary, sondaı-aq memlekettik organdardyń ókilderi qatysty. Dástúrli túrde azamattyq sektory da keńinen qatysty.
Baıqaýshy retinde BUU jáne EQYU uıymdardyń ókilderi qatysty.
