«Aqtóbe» ÁKK Aqtóbe oblysynyń damý núktelerinde ekonomıkalyq belsendilikti yntalandyratyn, sonyń ishinde ınvestısııalardy tarta otyryp, básekege qabiletti, ornyqty óndiristerdi qalyptastyrýdyń katalızatory retinde áreket etetin óńirlik damý ınstıtýty bolyp tabylady.
Spıkerdiń aıtýynsha, qazirgi ýaqytta ınvestorlarǵa qyzmet kórsetý ortalyǵy shaǵyn jáne orta bıznes pen agroónerkásiptik kesheni, jer qoınaýyn paıdalaný jáne t.b. salalarynda iske asyrylatyn 35 ınvestısııalyq jobany qoldaıdy.
«Biz ınvestısııalar aǵynyn yntalandyrýdy arttyrý maqsatynda «Aqtóbe» ındýstrııalyq aımaǵy aýmaǵynda arnaıy ekonomıkalyq aımaq qurýdyń tehnıkalyq-ekonomıkalyq negizdemesin ázirlep jatyrmyz. Atalmysh joba oblys kórsetkishteriniń odan ári damýy men ekonomıkalyq ósýine, sonyń ishinde metallýrgııa, munaı-hımııa, mashına jasaý jáne jalpy qurylys ındýstrııasy salalarynyń qazirgi zamanǵy óndiristerin qurýǵa baǵyttalǵan. Arnaıy ekonomıkalyq aımaq sheńberinde qurylatyn qolaıly jaǵdaılar 2018-2023 jyldarǵa arnalǵan Ulttyq ınvestısııalyq strategııaǵa sáıkes transulttyq korporasııalar men zákirli ınvestorlar qatarynan iri ınvestorlardy tartýǵa múmkindik beredi», - dedi Ánýar Mahanov.
Qazirgi ýaqytta ındýstrııalyq aımaqta quny 96,8 mlrd.teńge bolatyn 23 joba iske asyrylyp, 2 myńnan astam jumys orny ashyldy.
«Indýstrııalyq aımaq aýmaǵynda jumys jasaıtyn 5 kásiporyn 2018 jyly 1 mlrd.teńgeden astam somaǵa ónim óndirdi. Bıylǵy jyldyń ishinde 7 jobany iske qosý josparlanyp otyr, onyń ishinde avtomobıl shınalaryn qalpyna keltirý, polıetılen qaptamalaryn, lak-boıaý ónimderin óndiretin kásiporyn, sondaı-aq «Aktobe Smart Tech» JShS derekterdi óńdeý ortalyǵy ashylady. Jalpy ınvestısııa somasy 68 mlrd. teńge bolatyn jáne 1381 jumys ornyn quratyn taǵy 11 joba boıynsha tehnıkalyq-ekonomıkalyq negizdeme ázirlenýde», - dedi spıker.
Aıta keteıik, «Aqtóbe» ÁKK basshylyǵy keleshegi bar jáne joǵary tehnologııalyq jobalardy júzege asyrý boıynsha kelissózder júrgizýde. Olardyń qatarynda elektr qozǵaltqyshtaryn, kommýnaldyq jáne aýyl sharýashylyǵy tehnıkasyn, geombranalyq materıaldardy, aýyl sharýashylyǵy tehnıkasyn, gıdravlıkalyq jabdyqtardy óndirý, sondaı-aq júk vagondaryn qurastyrý zaýytyn, avtobýstardy iri toraptyq qurastyrý keshenin salý jobalary bar. 2020 jylǵa qaraı quny 36,5 mlrd teńge bolatyn atalǵan jobalardy iske asyrý ındýstrııalyq aımaq aýmaǵynyń 100% - yn toltyrýǵa múmkindik beredi.
