Baýyrjan Baıbektiń aıtýyna qaraǵanda, almaty halqy jylyna 50 myń adamǵa kóbeıip keledi. Halyqtyń áleýmettik áleýetin arttyrý men jumyspen qamtý máselesin ońtaıly sheshý máselesi basty nazarda bolýǵa tıis.
«Qaladaǵy ómir súrý sapasynyń joǵarylyǵy jurtshylyqty osynda kóship kelýge yntalandyrady. Bul qarqynmen 15 jylda Almaty halqy 3 mıllıonnan asýy yqtımal. Bizge ekonomıkany qaıta qurylymdaý kerek. 700 myń jańa jumys orny qajet. Kóptegen saýda jelileri óz qyzmetterin avtomattandyryp jatyr. Adamdardyń kópshiligi jumys tapshylyǵyna dýshar bolady. Olar sonda qaıda barady? Olardy oqytý jaıyn oılaný qajet», – deıdi ákim.
Turǵyndarmen kezekti eseptik kezdesý barysynda basa aıtylǵan taǵy bir másele – qala ekologııasynyń lastanýy. Sońǵy jyldary megapolıstegi kólikterdi azaıtý maqsatyndaǵy sharalardyń qolǵa alynǵanyna qaramastan, kólik sany azaıar emes. Bul kúnnen-kúnge aýanyń lastanýyna ákelip otyr.
Aýa lastanýynyń 70 paıyzy kólikterden bólinetin ýly gazdardyń sebebinen ekeni aıtyldy.
Arman OKTIаBR,
«Egemen Qazaqstan»
ALMATY
