«Meniń oıymsha, qoldanystaǵy marshrýttardy ońtaılandyrý – bul qoǵamdyq kóliktiń jumysyn jaqsartýdyń eń tıimdi tásili. О́tken jyly tórt jańa baǵdar ashýdan basqa biz qoldanystaǵy 11 shemany ózektendirdik, qoǵamdyq kóliktiń qozǵalys ıntervaly 30% - ǵa qysqartyldy», – dedi ákim.
Sonymen qatar, jolaýshylarǵa yńǵaıly bolý úshin qalanyń sheti men ortalyǵyn baılanystyratynn 20 tikeleı baǵdar qyzmet kórsetýde. Jaqyn arada jańa magıstraldyq ekspress-baǵyttar iske qosylady. Búgingi tańda qalalyq avtobýs parki 70% - ǵa jańartyldy, jaqyn arada gazben júretin taǵy 80 avtobýs satylyp alynady dep josparlanýda, pılottyq rejımde elektrobýs iske qosyldy. Qala ákimi jyly aıaldamalardyń alǵashqyda synǵa ushyraǵanyn, keıin turǵyndar olardyń qajettigin túsingenin eske saldy.
О́tken jyly Astanada bıýdjet jáne MJÁ esebinen osyndaı 74 aıaldama ornatylǵan, bolashaqta olardyń sany ulǵaıtylady dep josparlanýda. Kóliktik karta júıesi óziniń tıimdiligin dáleldedi. Qazirgi ýaqytta olardy jolaýshylardyń 96% paıdalanady. Kóleńkeli aınalymnan tabystyń 30% shyqty.
Úlken derekterdi taldaý qalalyq josparlaýdyń ajyramas bóligine aınaldy. Qolma-qol aqshasyz aqy tóleýdi engizý 670 myń turǵynnyń kún saıyn qaıda jáne qalaı bara jatqanyn túsinýge múmkindik berdi. Bul bizge kólik júıesiniń naqty ekonomıkalyq modelin boljaýǵa jáne baǵyttardy ońtaılandyrý men sáýlettik sheshimder qabyldaýǵa múmkindik beredi.
