Salyq kodeksiniń 363-babynyń 2-tarmaǵyna sáıkes jeke tabys salyǵy jáne múlik boıynsha deklarasııany Parlament depýtattary, sýdıalar, sondaı-aq «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsııalyq Zańyna, Qazaqstan Respýblıkasynyń Qylmystyq-atqarý kodeksine jáne «Sybaılas jemqorlyqqa qarsy is-qımyl týraly» Qazaqstan Respýblıkasynyń Zańyna sáıkes deklarasııany tabys etý boıynsha mindeti júktelgen jeke tulǵalardyń sanattary usynady.
Budan basqa, osy deklarasııany jyl saıyn memlekettik laýazym atqaratyn adamnyń jubaıy (zaıyby) tabys etýge mindetti.
Teris sebeptermen memlekettik qyzmetten bosatylǵan adamdar bosatylǵannan keıin úsh jyl ishinde turǵylyqty jeri boıynsha memlekettik kirister organyna tabystary men múlki týraly deklarasııa tapsyrady.
Deklarasııa ornalasqan (turǵylyqty) jeri boıynsha memlekettik kirister organyna esepti jyldan keıingi jyldyń 31 naýryzynan keshiktirilmeı tabys etiledi. Mysaly, 2018 jylǵa deklarasııany 2019 jyldyń 31 naýryzynan keshiktirmeı usyný qajet.
Memlekettik laýazym atqaratyn adamdar tıisti memlekettik kirister organdaryna deklarasııany tańdaýy boıynsha qaǵaz shyǵaryp ákelý tártibimen, poshta arqyly habarlamasy bar tapsyrys hatpen, elektrondyq túrde berýge quqyly.
