Sport • 20 Aqpan, 2019

Almatyda erejesiz jekpe-jekten jarys ótedi

284 retkórsetildi

 

30 naýryzda «Almaty Arena» sport kesheninde erejesiz jekpe-jekten iri halyqaralyq týrnır ótedi. Bul jaıynda Reseıdiń M-1 Global uıymynyń baspasóz qyzmeti habarlady.

Osy jarysta Qazaqstannyń úsh birdeı beldi sportshysy kúsh synasady dep kútilýde. Olar – Shavqat Rahmonov, Arman Áshimov jáne Asý Almabaev. Bul jigitterdiń úsheýiniń de esimderi jankúıerlerge jaqsy tanys. Máselen, kezinde áıesqoılar arasynda jasyndaı jarqyraǵan 24 jastaǵy Shavqat Rahmonov kásipqoılar saıysynda da eshkimge ese jibergen emes. Qandasymyz óziniń 10 kezdesýiniń barlyǵyn merziminen buryn aıaqtady. Túrli nusqalar boıynsha chempıondyq belbeýlerdi ıelendi. Ol jartylaı orta salmaqta judyryqtasady.

Kıkbokstyń has sheberi 27 jastaǵy Arman Áshimov erejesiz jekpe-jekten ótken talaı jarysta top jardy. Osy kúnge deıin ol 9 kezdesýde jeńiske jetip, úsheýinde utyldy. Byltyrǵy jyldyń basynda M-1 nusqasy boıynsha álemniń ýaqytsha chempıony ataǵyn ıelengen bolatyn. Alaıda sol jyly qazaq sportshysy ýkraınalyq Aleksandr Doskalchýkpen aıqasyp jatyp, qolyn syndyryp aldy. Sonyń saldarynan altyn belbeýden aıyryldy.

25 jastaǵy Asý Almabaevtyń da alǵan asýlary az emes. MMA-da ol 11 aıqas ótkizip, 9 ret ústemdik tanytty. 6 márte aıqyn basymdyqqa ıe boldy.

Ǵalym SÚLEIMEN,

«Egemen Qazaqstan»

Sońǵy jańalyqtar

iPhone 12 Pro renderi shyqty

Tehnologııa • Keshe

Uqsas jańalyqtar