Eki eldiń veterınarlyq qyzmetteri 2018 jyly vakýýmdyq pakette muzdatylǵan jáne salqyndatylǵan sıyr etiniń veterınarlyq sertıfıkatyn bekitti.
Byltyrdan bastap elimizde etti mal sharýashylyǵyn damytý baǵdarlamasy aýqymdy júzege asa bastady. Onyń negizinen shaǵyn jáne orta kásiporyndar quraıdy. Sondaı-aq arnaıy jeńildikti nesıe beretin «Sybaǵa» baǵdarlamasy iske qosyldy. Jalpy 2018 jyly 20 myń tonnaǵa jýyq et eksporttalǵan. Kórsetkish 2017 jylmen salystyrǵanda 3,6 paıyzǵa artyq. Al bıyl kemi 30 myń tonna etti shetelge jóneltý josparlanyp otyr. Otandyq kásiporyndar úshin et eksporty óte tıimdi. Sıyr etin eksporttaý esebinen tek taýar óndirýshilerge ortasha eseppen 27 mıllıard teńge berildi.
Búgingi kúni elimizdiń mal men et ónimderine shet memleketterden suranys artqan. Onyń qatarynda Ázerbaıjan, Armenııa, Bahreın, Vetnam, Germanııa, Kýveıt, Qyrǵyzstan, Túrkııa, BAÁ sııaqty kóptegen memleketter bar. Al Qytaımen balyq jáne et ónimderiniń eksportyn 20-30 paıyzǵa deıin arttyrý maqsatynda kelisim jasaldy.
