21 Aqpan, 2019

«Men qalaı baspanaly boldym?»

368 retkórsetildi

Qazir elimizde páter alýǵa arnalǵan birqatar baǵ­dar­la­ma bar. Sonyń tıimdiligin utymdy paıdalanyp, bas­pana alyp jatqandar jeterlik. Sondaı baqyt­ty jannyń biri – Jadyra Narmahanova. Ol «Qol­jetim­di baspana» baǵdarlamasy arqyly páterge ıe bolǵan.

Taıaýda keıipkerimizge habarlasyp, páterin qalaı alǵany týraly baıandap berýin ótingen edik. Jadyranyń aıtýynsha, mundaı qadamǵa barýyna áriptesi Samaldyń baspana alýy áser etipti. 

«Qurbym baspanaly bolǵan soń, bankten depozıt ashtym. Aı saıynǵy eń tómengi salym – 51500 teńgeni qurady. Ol kezde aılyǵym 100 myń teńgege jetpeıtin, sondyqtan osy somany tańdaǵanmyn. Qyzdarmen syǵylysyp bir bólmeli tar páterde turdyq. Aı saıyn páterge 20 myń teńge tóleıtin edim. Azyq-túlikke 5 myń teńgeden jınaıtynbyz. Aýyldan keıde sybaǵa retinde bir asym et salyp jiberedi. Sony qanaǵat ettik. Qalǵan 20 myń teńge júrip-turý shyǵynyma ketti» deıdi Jadyra. 

Keıipkerimiz belgilengen somany salsam, jetkilikti dep qol qýsyryp qarap otyrmapty. Qosymsha jumys istep, tapqan tabysyn bankke salyp júrgen eken. «Depozıtime nesıe sekildi qaradym. Ár aıdyń 5-ine deıin aqsha salatynmyn» dep eske alady ol. 

Jadyranyń baspanaly bolýǵa qushtarlyǵy artqany sonshalyq, qosymsha shyǵyndardyń bárinen bas tartqan. Tipti dúkenderdegi kózdiń jaýyn alatyn ásem kóılekterdi kórgende «Sen qazir bireýdiń úıine aqsha tólep otyrsyń. 15-20 myń teńge artyq salsań, tezirek úı alasyń» dep ózin tejep otyrǵan. 

«Kóılek kórip, qatty «aýyryp» qalǵan kezimde dúkenge baramyn. Alatyn adam sekildi túr jasap, kıip kóremin. Aınanyń aldynda 10-15 mınýt turyp, ystyq-sýyǵymdy basamyn. Sosyn alýǵa oılanyp turǵan adamnyń keıpin jasap ketip qalamyn. Kıimge degen nápsimdi solaı basyp júrdim» dep kúledi bizdiń keıipker. 

Nátıjesinde Jadyranyń áreketi berekeli bolyp, bank­ten úı alýǵa jeterlik qarjy jınalǵany týraly aqjoltaı habar keledi. Tańǵy 6-dan kezekke turyp, qajetti qujatyn ótkizip, páteriniń kiltine qol jetkizgen. 

«Bankke tólem qabiletimdi rastaýym qajet. Iаǵnı, aı sa­ıyn 150 myń teńge jalaqy alýym kerek eken. Meniń aılyǵym 130 myń teńgeden aspaıdy. Biraq qosymsha jumystan túsken qarajat qajetti somany japty. Úsh jyldyq eńbek demalysymnyń aqshasyn túgel úıge saldym» deıdi ol. 

«Sabaqty ıne sátimen» demekshi, baspana alǵannan keıin týystary da kómek qolyn sozyp, biri qonaq kútetin oryndyq, biri tońazytqysh syılapty. «Ydys-aıaqtardy ózim aldym. Apam kórpeshe tigip berdi. Kórpelerimdi Qytaıǵa barǵanda yrymdap «úıim bolsa» dep ákelgenmin» dep eske alady Jadyra. 

Bizdiń keıipkerimiz úıli bolýdyń mańyzyn jaqsy túsingendikten, aqshasyn únemdep jumsaýdy basty mindeti kóredi. «Men de basqalar sekildi shetelge saıahattap, qymbat kóılek alsam, eshkim aıyptamas edi. Biraq áýeli baspana alý kerek dep sheshtim. Memlekettik baǵdarlamany tıimdi paıdalana aldyq» deıdi ol. 

Jadyranyń pikirinshe, halyq turǵyn úı týraly tolyq málimetke qanyq emes. Sondyqtan túrli baǵdarlamalarǵa senimsizdik týyndap, alaıaqtarǵa aldanyp qalatynyn aıtady. «Áleýmettik jelide otyrǵanda ýaqytty qur ótkizbeı, paıdaly ári saýatty aqparatqa qanyq bolý qajet» dep esepteıdi ol.

Daıyndaǵan Abaı ASANKELDIULY,

«Egemen Qazaqstan»

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar