Qazirgi ýaqytta orta bilim berý uıymdarynda buqaralyq sport túrleri boıynsha mektep sport lıgasy quryldy, onyń kezeńderi mektepishilik, óńirlik jáne respýblıkalyq deńgeıde iske asyrylýda. Bilim jáne ǵylym mınıstrligi 2002 jyldan bastap turaqty negizde mektep oqýshylary men kolledj oqýshylarynyń 53-shi jazǵy jáne 10-shy qysqy sport túrlerinen jazǵy (qysqy) spartakıadalaryn ótkizip keledi.
«Sońǵy jyldary mektep sportyn damytýdy odan ári yntalandyrý, sondaı-aq sport rezervin daıyndaý maqsatynda Mınıstrlik 14-17 jastaǵy oqýshylarǵa halyqaralyq jarystarǵa qatysý úshin neǵurlym keń múmkindikter berý jónindegi sharalardy pysyqtaýda. Osylaısha, Mınıstrlik Qazaqstan Respýblıkasy Mektep sport federasııasymen birlesip mektep sport lıgasy men oqýshylar spartakıadasy jeńimpazdarynyń 2020 jyly Qytaıdaǵy Dúnıejúzilik gımnazıadaǵa qatysý máselesin zerdelep jatyr», delingen B. Saǵyntaevtan kelgen habarlamada.
Premer-mınıstrdiń aıtýynsha, Dúnıejúzilik gımnazııadaǵa qatysý respýblıkalyq bıýdjetten qajetti qarjy resýrstaryn bólýdi talap etedi. Búgingi tańda respýblıkalyq bıýdjette bul maqsattarǵa qarjy kózdelmegen. Osyǵan baılanysty Dúnıejúzilik gımnazııadaǵa qatysý úshin bıýdjetten qarjy bólý zańnamada belgilengen tártippen qaralatyn bolady.
Joǵaryda baıandalǵannyń negizinde Bilim jáne ǵylym mınıstrligine atqarylǵan jumys jóninde depýtattyq korpýsty qosymsha habardar etý týraly tapsyrma berildi.
