Aqy tóleý 2019 jylǵy 26 qańtarda bastaldy, osy ýaqytta bank «Astana Banki» 41 866 klıentine qyzmet kórsetti. Bir salymshyǵa qyzmet kórsetýdiń ortasha ýaqyty 5 – 15 mınýt aralyǵynda boldy.
Budan basqa, 3211 klıent tólem kartasyna qashyqtan tapsyrys berý múmkindigin tańdady, olarǵa shamamen 2,1 mlrd teńge esepteldi.
«Astana Banki» klıentteri aǵynynyń aıtarlyqtaı azaıýyna baılanysty bank Qazaqstannyń iri qalalarynda «Astana Banki» salymshylaryna arnalǵan 9 arnaıy aqy tóleý ortalyǵyn japty.
О́temaqy tóleý bólimshelerdiń jumys rejımine sáıkes banktiń jeke tulǵalarǵa qyzmet kórsetetin barlyq bólimshelerinde 2019 jylǵy 26 shildege deıin jalǵasady.
Banktiń veb-saıtynda - eubank.kz – onlaın rejımde bólimshelerde kezekte kútip turǵan klıentterdiń sanyn qaraýǵa bolady, sondaı-aq tólenýge tıis kepildi ótemaqy somasyn tekserýge bolady.
О́temaqy Qazaqstannyń depozıtterge kepildik berý qorynyń qarajatynan – jınaqtalǵan syıaqyny eskere otyryp «Astana Banki» klıentteriniń salymdary, aǵymdaǵy shottary jáne tólem kartochkalary boıynsha tólenedi.
2019 jylǵy 26 shildeden keıin agent banktiń bólimshelerine júginbegen salymshylardyń ótemaqy tóleý týraly ótinishti tikeleı Qazaqstannyń depozıtterge kepildik berý qoryna berip, ótemaqyny qolma-qol emes aýdarym arqyly alýǵa múmkindigi bolady.
