Qazaqstan • 21 Aqpan, 2019

Qorǵaljyń qoryǵynda balyq aýlaýǵa tyıym salyndy

307 retkórsetildi

Melıorasııalyq balyq aýlaý erejesiniń buzylýyna baılanysty 2019 jyldyń 18 aqpanynan bastap Qorǵaljyń memlekettik tabıǵı qoryǵynyń barlyq aýmaǵynda melıorasııalyq balyq aýlaýǵa ruqsat beriletin qujattarǵa tyıym salyndy.

Betpaqdala popýlıasııasynyń 2000-ǵa jýyq kıikteri osy jerdiń kólderiniń aýmaǵynda qystaıdy. Sý aıdyndarda balyq aýlaýǵa tyıym salý, kıikterge tónetin alańdatýshylyq pen qasqóılikten aldyn alýǵa múmkindik beredi.

Balyq aýlaýǵa tyıym salynǵan zańnamany buzǵany úshin ákimshilik jáne qylmystyq jaza kózdelgen.

Qustardyń sanynyń azaıýyna baılanysty 16 aqpannan bastap 14 maýsymǵa deıingi merzimde kóktemgi ańshylyqqa tyıym salynyp jáne kásipshilik ań aýlaýdan basqa, bir ańshyǵa shaqqanda jabaıy qus pen terisi baǵaly ańnyń bir túrin alyp qoıýdyń táýliktik normasyn bes daraqqa deıin shekteý qoıyldy.

Kóktemgi ań aýlaý kez kelgen túr qatty alańdatýshylyq týǵyzyp, uıa salý naýqanyn kúrt buzady. Bul rette eń aldymen belsendi ári reprodýktıvtik jaǵynan baǵaly atalyqtar atyp alynyp, bul óz kezeginde túrlerdiń gendik qoryn nasharlatady.

Kóktemgi ańshylyqqa tyıym salýǵa baılanysty oblystyq orman sharýashylyǵy jáne janýarlar dúnıesi aýmaqtyq ınspeksııa basshylaryna kóktemgi merzimde qustardyń sany boıynsha monıtorıng júrgizýge tapsyrma berildi.

Kóktemgi ańshylyqqa tyıym salý qustardyń ónimdiligine jáne olardyń sanynyń ósýine oń áserin tıgizýde.

Sońǵy úsh jyldyń ishinde úırekterdiń sany 10%-ǵa, qasqaldaqtyń 5%-ǵa jáne qazdyń 13%-ǵa ósti. Inspektorlardyń baqylaýy boıynsha jergilikti úırekterdiń tolyq uıa salýy anyqtalyp, súńgish jáne batpaqty úırekterdiń ekinshi ret uıa salýy baqylandy. Sý aıdyndarda kezinde sırek kezdesetin qyzyl bas qara úırek, jalpaqtumsyq úırek, saryaıdar úırek pen sur úırekter toptap paıda bola bastady.

Tyıym salynǵan ań aýlaýdy buzý boıynsha Qazaqstan Respýblıkasynyń Ákimshilik quqyq buzýshylyq týraly kodeksiniń 382 baby «Janýarlar dúnıesin paıdalaný talaptaryn jáne ań aýlaý qaǵıdalaryn buzý» boıynsha ákimshilik aıyppul salynyp ne ákimshilik quqyq buzýshylyq zattary jáne quraly tárkilený kózdelgen.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar