«Memleket basshysynyń tapsyrmasyn oryndaý maqsatynda AQSh-qa ushýlardy júzege asyrý úshin quqyqtyq baza bekitildi. Búgingi kúni Qazaqstan men Japonııa arasynda quqyqtyq baza bar jáne ol elder arasynda aptasyna 14 reıs jıiligimen reısterdi ashýǵa múmkindik beredi. Aǵymdaǵy jyly Japonııa men AQSh-qa mundaı reısterdi ashý úshin otandyq kompanııalarǵa memlekettik qoldaý kósetý máselelerin talqylaıtyn bolamyz», - dedi ol mınıstrliktiń keńeıtilgen alqa májilisinde.
Osy oraıda, alqa májiliske tóraǵalyq etip otyrǵan QR Úkimet basshysynyń birinshi orynbasary Asqar Mamın bastapqy kezeńde bul reısterdiń shyǵynǵa batatyndyǵyn aıtyp, olardy sýbsıdııalaý máselesin sheshý qajettigin eskertti.
«Qazir reısterdi sýbsıdııalaý úshin qujattar toptamasyn jasap jatyrmyz. Japonııamen kelisimge qol qoıylǵan jáne ekinshi jartyjyldyqta bul elge tikeleı reıs ashamyz. Ushýlardy Eır Astana oryndaıdy. Al AQSh-qa qatysty aıtar bolsam, Azamattyq avıasııa komıtetimiz ben Eır Astana qaýipsmizdik krıterıılerine sáıkes Amerıkanyń avıasııalyq bıliginiń aýdıtinen ótýi qajet. Bul shamamen 2 jyl ýaqytta alady. Birinshi kezeńde shetelidk kompanııa tartylýy múmkin. Osylaısha, amerıkalyq áýe kompanııalary osy jyldan bastap Qazaqstanǵa ushýlardy oryndaýǵa múmkindigi bar. Al biz AQSh-qa 2021 jyly usha alamyz»,- dedi osy rette R.Sklıar.
Atalǵan máselege qatysty pikir bildirgen Eır Astana áýe kompanıaısynyń prezıdenti Pıter Foster bul prosesti jedeldetýge de múmkindik bar ekendigin aıtty.
«Ásirese, AQSh ishki qaýipsizdik departamentiniń maquldaýyn alý uzaq prosess. Kelissózder qazirdiń ózinde bastaldy. Bul máselede mınıstrlikpen tyǵyz jumys jasap jatyrmyz. Nıý-Iork reısterin aralyq pýnkter arqyly júzege asyrý nusqasy qarastyrylyp jatyr. Bul da kommersııalyq tasymaldaýdaýlar týraly qosymsha kelisimge qol qoıýdy talap etedi. Degenmen, barlyǵy josparǵa saı bolsa, onda kelesi jyldan bastap ushýlardy bastaýdy kózdep otyrmyz», - dedi P.Foster.
