«Astana jastary» jastar resýrstyq ortalyǵy Jastar korpýsyn damytý jobasyn úılestirý agenttigimen birlesip, Zhas Project jańa jobasyn usyndy.
Kezdesýge on úkimettik emes uıymnyń 30 ókili qatysty.
Zhas Project – bul óz jobalaryn iske asyrýǵa, ózindik áleýetin jáne kóshbasshylyq qasıetterdi qalyptastyrýǵa, damytýǵa múddeli 14 pen 29 jas aralyǵyndaǵy jastarǵa arnalǵan Halyqaralyq qaıta qurý jáne damý banki men QR Bilim jáne ǵylym mınıstrliginiń birlesken jobasy.
Jobada tórt baǵyt bar: jastarǵa áleýmettik jobalardy iske asyrýǵa 1 mln teńgelik granttar men áleýmettik stıpendııalardy berý; jastardy ómirlik mańyzdy daǵdylarǵa jáne jobalardy basqarýǵa oqytý; jastardyń osal toptarymen jumys isteý; problemalardy sheshýdiń aqparattyq-túsindirý naýqanynyń jáne keri baılanys mehanızmin úıretý.
Jastar ómirlik tájirıbe, óz jobalaryn júrgizýdi úırený jáne jobalardy basqarý sııaqty úsh baǵytty oqýdan ótedi. Olar óz jobalaryn alty aı ishinde júzege asyryp, stıpendııa alady. JOO túlekteri – 60 myń teńge, qalǵandary 40 myń teńge alady. Odan bólek, óz jobalaryn júzege asyrý barysynda bilikti mamandardan qoldaý alatyn bolady.
Basymdyq oqymaıtyn jáne jumys istemeıtin, ne tabysy tómen jastarǵa beriledi.
Jobany iske asyrý sheńberinde konkýrsqa qatysatyn uıymdardy, mentorlardy irikteý jáne jastarǵa arnalǵan granttyq baıqaý ótedi.
