«Qazirgi zamanǵy shyndyq bizdiń balalarymyzda jańa daǵdylar men quzyretterdi damytýdy talap etedi. Men úsh tildilik birtindep normaǵa aınalýy tıistigin aıtqan edim. Bizdiń balalarymyz – jahan balalary. Olar búkil álemdik keńistikte, úzdik joǵary oqý oryndarynda bilim alýda. Sondyqtan qazaq, orys jáne halyqaralyq aǵylshyn tilin bilý mańyzdy» dedi Memleket basshysy.
Degenmen, Elbasy bul saıasatta asyǵystyq bolmaý keregin eskertti. «Aldymen pedagogterdi daıyndap alý qajet. Aǵylshyn tilin biletin fızıka, matematıka jáne hımııadan sabaq berýge qabiletti pedagogty oqytý qajet. Al bizdiń mınıstrlik erteńnen bastap-aq muǵalimderge sabaq bere bastaýdy tapsyrdy. Úsh aıǵa kýrsqa shaqyryp, oqytasyńdar. Ol durys emes» dedi Nursultan Nazarbaev.
Memleket basshysy árbir óńirde aldyńǵy qatarly eń azy bir joǵary oqý orny bolýy kerektigin basa aıtty.
«Árbir óńirde keminde bir ilgeri joǵary oqý orny, ıaǵnı memleketimizde 17 JOO jáne 10 zamanaýı kolledjden bolýy tıis. Oqý oryndarynyń tıimdiliginiń basty krıterııi – bul túlekterdiń jumysqa ornalasýy. Ýnıversıtet túlegi jumysqa ornalassa, bul - ýnıversıtettiń baǵalanýy, mamandarynyń qajet ekendigi» dedi Elbasy.
