О́ńirdiń densaýlyq saqtaý salasynda qordalanǵan problemalar az emes. Solardyń ishindegi eń ózektisi – medısınalyq qural-jabdyqtardyń kópten beri jańartylmaýy. Búginde olardyń tozýy 62,5 %-dy qurap otyr. Osy olqylyqtyn ornyn toltyrý úshin bıyl respýblıkalyq jáne jergilikti bıýdjetten jańa emdeý apparattaryn satyp alýǵa 4 mlrd teńge kóleminde qarajat bólindi. Bul - ótken jyldarmen salystyrǵanda 3 ese kóp.
Jańa magnıtti-rezonanstyq tomograf, 2 angıograf, 3 rentgen kesheni jáne basqa da qural-jabdyqtarǵa tapsyrys berildi. Sóıtip, ozyq tehnologııalardy qoldanýdyń arqasynda medısınalyq qyzmettiń sapasy artyp, naqty dıagnostıka qoıylatyn bolady. Sonymen qatar ózge de shetin máselelerdi sheshý úshin Elbasynyń tapsyrmasymen osy zamanǵy kópsalaly aýrýhana salynbaq. Onyń quramyna oblystyń 6 stasıonary enedi. Bul aýrýhanaǵa jatqyzý, emdeý merzimin qysqartyp, kórsetiletin qyzmetterdiń qoljetimdiligin ońtaılandyrady. Jańa aýrýhananyń janynan medısına qyzmetkerlerine arnalǵan 200 páterli úı salý josparlanǵan.
«Búginde 30-dan astam medısınalyq uıym jáne 600-den astam medısınalyq nysan jumys isteıdi. Olardyń barlyǵyn qamtamasyz etý úshin qomaqty qarajat kerek. 4 mlrd teńgeden bólek, 900 mln teńge jeke menshik-memlekettik áriptestik nátıjesinde qarastyrylǵan. Oǵan oblystyq aýrýhanaǵa magnıttik rezonanstyq tomograf satyp alatyn bolamyz» deıdi Densaýlyq saqtaý basarmasynynyń basshysy Tımýr Sultanǵazıev.
О́mir ESQALI,
«Egemen Qazaqstan»
Soltústik Qazaqstan oblysy
