27 Aqpan, 2019

Birinshi Halyqaralyq «Design Thinking Fest» 2019 festıvali ótti

256 retkórsetildi

«Rýhanı jańǵyrý» jáne «Jastar jylyna» oraı uıymdastyrylǵan shara «Image. Shape. Identity» zergerlik buıymdardy ázirleý jáne «Sustainable design challenge» ekologııalyq materıaldardy paıdalaný konkýrstary men taqyryptyq shyǵarmashylyq kórmeleri aıasynda ótip, otandyq jáne sheteldik dızaınerler men sáýletshilerdiń sheberlik synyptary tanystyryldy.

Festıvalge jınalǵan áleýetti jumys berýshiler, óndiristik kompanııalardyń ókilderi «Jahandaný dáýirinde bilim, ǵylym men óndiristiń damýy jáne ıntegrasııasy» halyqaralyq ǵylymı-praktıkalyq konferensııasynda oı bólisti. Italııanyń Qazaqstandaǵy Elshisi jáne Sılvııa Formentın bastaǵan ıtalıandyq iDOGI kompanııasy festıvaldiń qurmetti qonaǵy boldy. iDOGI kompanııasy búkil álem boıynsha kórkem aspaly shamdardy, jaryq ústelderin jáne basqa da arnaıy kórkem týyndylardy bezendirýge mamandandyrylǵan.

Baıqaýǵa ákelingen jumystardy baǵalaǵan halyqaralyq sarapshylar dızaındaǵy jańashyldyq, daralyq, avtorlyq stılimen QazBSQA «О́nerkásiptik dızaın" fakýltetiniń 4-shi kýrs stýdenti Rýslan Petrovtyń jumysyna joǵary baǵa berdi. Onyń eskızderi boıynsha álemge áıgili venesııalyq shyny úrlegishter eki júz kılogrammdyq aspaly sham qurastyryp shyǵarǵan. Saltanatty shara sońynda jas darynǵa arnaıy dıplom tabystaldy. Sheberler týyndyny ýnıversıtet murajaıyna syıǵa tartty.

Italııanyń Qazaqstandaǵy Elshisi jas dızaınerlerge ózderin kórsetýge múmkindik beretin  mádenı oqıǵalardy jarııalaý aǵymdaǵy sátte basymdyq bolyp tabylatynyn jetkizip, Qazaq Bas sáýlet-qurylys akademııasy rektoryna arnaıy syı-sııapat jasady.  

Jibek AQDARI,

stýdent

ALMATY

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar