«Elbasy tikeleı tapsyrma berip jatyr. Bıýdjettik sala qyzmetkerleriniń jalaqysyn 30 prosentke kóterý kerek. Jalpy, búginde bizdiń salada 60 myńnan astam dáriger jumys isteıdi. Sonymen qatar, 170 myń meıirbıke bar. Budan bólek, sanıtarlar, ınjenerler, býxgalter-ekonomıster bar, qosymsha 400 myńnan asa adam eńbek etedi. Árıne, kóbiniń jalaqysy 100 myńnan tómen. Birinshiden, osy tizimderdi qarap, esep-qısabyn jasap, iske asyrýǵa daıyndaımyz. Osy maqsatta qosymsha qarjy bólindi. Bıyl 1 shildeden bastap tómen jalaqy alatyn barlyq medısına salasynyń qyzmetkerleri qosymsha ústemeaqy alady» dedi E.Birtanov jýrnalısterge bergen suxbatynda.
Mınıstrdiń aıtýynsha, aǵymdaǵy jyly 1 qańtarda medısına qyzmetkerleriniń jalaqysyn 20 prosentke kóterý sharalary bastaldy.
«Ony mańyzdy aýrýlar boıynsha arnaıy baǵdarlamany oqyǵan dárigerler men meıirbıkelerge qosyp jatyrmyz. Qazirgi kezde qyzmetkerlerdiń 17 prosenti oqýdan ótip, jalaqyǵa qosymsha 20 prosenttik ústemeaqyny aldy. Endi Elbasy tómen jalaqy alatyn bıýdjettik mekeme qyzmetkerleriniń jalaqysyn 30 prosentke kóterýdi tapsyryp otyr. Bul - óte qýanyshty jaǵdaı» dep atap kórsetti E.Birtanov.
Aıta keteıik, búgin Memleket basshysy Nursultan Nazarbaev jalaqysy tómen bıýljettik sala qyzmetkerleriniń aılyǵyn kóterý úshin qosymsha qarjy bólýdi júktedi.
