Sharaına
Seısenbi, 24 sáýir 2012 6:59
OLLAND – BIRINShI TÝR JEŃIMPAZY
Jeksenbide Fransııada ótken prezıdenttik saılaýdyń birinshi týrynyń qorytyndysy boıynsha 28,61 paıyz daýys jınaǵan sosıalıst Fransýa Olland aldyńǵy orynǵa shyqty.
27,08 paıyz jınaǵan qazirgi prezıdent Nıkolıa Sarkozı ekinshi orynda bolsa, 18,05 jáne 11,12 paıyz daýys jınaǵan Marın Le Pen men Jan-Lıýk Melanshon tıisinshe, úshinshi jáne tórtinshi oryndardy ıelendi. Saılaýshylardyń saılaý ýchaskelerine kelýi 80,43 paıyzdy quraǵan. Bul bıýlletenderdiń 99,9 paıyzy óńdelgennen keıin belgili bolyp otyrǵan málimet. Túpkilikti nátıjeler sársenbi kúni jergilikti ýaqytpen 20.00-ge deıin belgili bolýy tıis.
Seısenbi, 24 sáýir 2012 6:59
OLLAND – BIRINShI TÝR JEŃIMPAZY
Jeksenbide Fransııada ótken prezıdenttik saılaýdyń birinshi týrynyń qorytyndysy boıynsha 28,61 paıyz daýys jınaǵan sosıalıst Fransýa Olland aldyńǵy orynǵa shyqty.
27,08 paıyz jınaǵan qazirgi prezıdent Nıkolıa Sarkozı ekinshi orynda bolsa, 18,05 jáne 11,12 paıyz daýys jınaǵan Marın Le Pen men Jan-Lıýk Melanshon tıisinshe, úshinshi jáne tórtinshi oryndardy ıelendi. Saılaýshylardyń saılaý ýchaskelerine kelýi 80,43 paıyzdy quraǵan. Bul bıýlletenderdiń 99,9 paıyzy óńdelgennen keıin belgili bolyp otyrǵan málimet. Túpkilikti nátıjeler sársenbi kúni jergilikti ýaqytpen 20.00-ge deıin belgili bolýy tıis.
QAQTYǴYS TYIYLAR EMES
Heglıg óńiri úshin kórshiles Sýdanmen bolǵan qaqtyǵys saldarynan Ońtústik Sýdannyń 1,2 myńǵa jýyq azamaty qaza tapqan.
Bul týraly Ońtústik Sýdan armııasynyń qolbasshysy Kamal Marýftiń málimdemesine silteme jasaı otyryp, Frans-press agenttigi habarlaǵan. Ońtústiksýdandyq armııanyń shegingenine qaramastan, kórshiles memleket bıligi Bentıý qalasyna áýeden shabýyl jasaýdy jalǵastyra bergen kórinedi. Osylaısha bazarǵa jáne qaladaǵy ortalyq kópirge bombalar tastalǵan. Ońtústik Sýdan bul bombalaýlardy arandatý retinde qabyldap otyr.
QYLMYSKER О́KINISh BILDIRDI
Norvegııalyq terrorshy Anders Breıvık kezdeısoq ótip bara jatqan adamdardyń qaza tapqanyna óz ókinishin bildirgen.
Ol sotta isi qaralyp jatqan kezde ótken jyldyń 22 shildesinde Oslonyń úkimettik kvartalynda jasyrylǵan bombanyń jarylysynan qaza tapqandar men zardap shekkenderdiń týǵan-týystary aldynda keshirim suraǵan kórinedi. Sonymen birge, ol Ýtoııa aralynda Jumysshylar partııasynyń jastar lagerine qatysýshylardy óltirgeni úshin keshirim suraı qoımaǵan. Breıvık osy qylmystardyń bárin saıası kózqarasyna oraı jasaǵanyn taǵy da atap kórsetken.
UShAQ QUPIIаSY AShYLYP QALDY
Irandyq mamandar amerıkalyq RQ-170 «Sentınel» ushqyshsyz ushatyn apparattyń jumys tásilin ashyp, qupııasyn anyqtap alǵan.
Aıta ketý kerek, bul ushaqty áskerıler ótken jyldyń jeltoqsan aıynda qolǵa túsirgen bolatyn. «Islam revolıýsııasynyń saqshylary» korpýsynyń aeroǵarysh bóliminiń basshysy general Amır Alı Hadjızadeniń habarlaýynsha, ırandyq mamandar qazir ushaqtyń dálme-dál kóshirmesin jasaýǵa kirisken kórinedi. Sonymen birge, ırandyq ınjenerlerdiń ushqyshsyz ushatyn apparattyń júıelerine jazylǵan aqparatty qalpyna keltirýmen aınalysyp jatqany da belgili bolyp otyr.
ATASY ÚShIN AIYPTY BOLDY
Obamanyń basty qarsylasy, AQSh prezıdenttiginen úmitker Romnıge onyń atasy birneshe áıel alǵan degen aıyp taǵylyp otyr.
Massachýsets shtatynyń burynǵy gýbernatoryna buqaralyq aqparat quraldary aldynda óz atasynyń polıgamıst bolmaǵandyǵy týraly aıtyp, aqtalýǵa týra kelgen. Men ákem jáne anam, birneshe aǵa-inilerim men bir qaryndasym bolǵan otbasynda óstim. Olar Meksıkada turdy jáne meniń bilýimshe, óz ómirlerine rıza bolatyn dep atap kórsetken ol. Sonymen birge HIH ǵasyrda mormondar úshin kóp áıel alýdyń daǵdyly kórinis bolǵany da málim bolyp otyr.
QURBANDARǴA ESKERTKISh ORNATYLDY
Polshanyń Zakopane qalasynda Smolensk túbinde qulaǵan Tý-154 ushaǵy apatynyń qurbandaryna eskertkish ashyldy.
Kostel aldyna ornatylǵan eskertkishke barlyq qaza tapqandardyń aty-jónderi oıyp jazylǵan kórinedi. Rásimdi epıskop Damıan Mýskýs ashqan. Is-sharaǵa qaza tapqandardyń barlyǵynyń otbasylarynyń shaqyrylǵanyna qaramastan, saltanatqa kele almaǵandar da bar eken. Aıta ketý kerek, ishinde el prezıdenti Leh Kachınskı bolǵan úkimettik avıalaınerdiń apatqa ushyraýy Polsha úshin ulttyq qaıǵy-qasiretke aınalyp otyr.
KО́RShILERINE QYR KО́RSETTI
KHDR basshylyǵy zymyran ushyrǵanyn synaǵanyna jaýap retinde arnaıy operasııa júrgizetinin aıtyp, Ońtústik Koreıaǵa qyr kórsetti.
Soltústik Koreıa qajet bolǵan jaǵdaıda óz jaýlarynyń kúlin kókke ushyratynyn málimdegen. 13 sáýirde KHDR ushyrǵan zymyran sátsizdikke urynǵan edi. Ol el úshin 850 mıllıon dollarǵa túsken kórinedi. Seýl bolsa osynsha qarjyny qarý-jaraqqa emes, óz halqyn tamaqtandyrýǵa nege jumsamaıdy dep synaǵan bolatyn. Phenıannyń renishin týdyryp otyrǵan da osy sóz.
IZRAIL ÚMITIN ÚZBEK EMES
Izraıl syrtqy ister mınıstri Avıgdor Lıberman osy elge tabıǵı gaz jetkizip berý týraly uzaq merzimdi kelisimdi toqtatý jónindegi Egıpet sheshimine sabyrmen qaraýǵa shaqyryp otyr.
Saıasatker bul daýdyń bızneste kezdesetin kez kelgen daýlar tárizdi sheshim tabatynynan úmitti. Biz Egıpette bolyp jatqan jaǵdaılardy muqııat baqylap otyrmyz, jaǵdaıdyń jaqsy jaqqa qaraı baǵyt alatynyna senimimiz mol, dep atap kórsetken Lıberman. Sondaı-aq ol ázirge oń ózgeristerdiń bolmaǵanyna qaramastan, asyǵys sheshim shyǵarýdyń qajeti joq ekenine de nazar aýdarǵan.
Internet materıaldary negizinde ázirlendi.
