Áskerı áriptestiktiń áleýeti zor
Seısenbi, 12 maýsym 2012 7:29
Qazaqstan Respýblıkasynyń Qorǵanys mınıstri Ádilbek Jaqsybekov Armenııa Respýblıkasy men Italııa Respýblıkasy qorǵanys mınıstrleriniń shaqyrýymen atalǵan memleketterge resmı saparmen baryp qaıtty, dep habarlady Qorǵanys mınıstrliginiń baspasóz qyzmeti.
Armenııa Respýblıkasyna jumys sapary barysynda qorǵanys vedomstvosynyń basshysy áriptesi – Qorǵanys mınıstri general-polkovnık S.Oganıanmen jáne Qaýipsizdik keńesiniń hatshysy A.Bagdasarıanmen kezdesti.
Seısenbi, 12 maýsym 2012 7:29
Qazaqstan Respýblıkasynyń Qorǵanys mınıstri Ádilbek Jaqsybekov Armenııa Respýblıkasy men Italııa Respýblıkasy qorǵanys mınıstrleriniń shaqyrýymen atalǵan memleketterge resmı saparmen baryp qaıtty, dep habarlady Qorǵanys mınıstrliginiń baspasóz qyzmeti.
Armenııa Respýblıkasyna jumys sapary barysynda qorǵanys vedomstvosynyń basshysy áriptesi – Qorǵanys mınıstri general-polkovnık S.Oganıanmen jáne Qaýipsizdik keńesiniń hatshysy A.Bagdasarıanmen kezdesti.
Kezdesý sońynda Qazaqstan Respýblıkasy Úkimeti men Armenııa Respýblıkasy Úkimeti arasynda áskerı-tehnıkalyq yntymaqtastyq týraly kelisimderge qol qoıyldy.
– Bizdiń memleket basshylarynyń kúsh salýynyń arqasynda Qazaqstan men Armenııa arasynda oń saıası únqatysýǵa qol jetkizilip otyr, – dedi Ádilbek Jaqsybekov. – Oǵan kýá retinde búgingi mańyzy joǵary qujattardy aıtýǵa bolady, bul eki jaqty yntymaqtastyqtyń belsendiligin arttyrýdyń zańdy negizin salmaq jáne qorǵanys salasyndaǵy qarym-qatynastyń jańa kezeńin ashpaq.
О́z kezeginde Seıran Oganıan Armenııa Qazaqstanmen aradaǵy dostyq qarym-qatynastardy joǵary baǵalaıtyndyǵyn jáne onyń óńirlik, álemdik qaýipsizdikke zor úles qosyp otyrǵandyǵyn atap ótti.
Sol kúni qazaqstandyq áskerı delegasııasy Armenııa Respýblıkasy Qorǵanys mınıstrliginiń áskerı ınstıtýtyn aralady. Munda oqý ornynyń kýrsanttary jaýyngerlik kezekshilik pen bitimgerlik qyzmettiń oqý-jattyǵý sabaqtarynan kórsetilimder usyndy. Kezdesý barysynda áskerı bilim, áskerı-tehnıkalyq personaldy oqytý jáne basqa baǵyttardy damytý týraly eki jaqty kelisimderge qol jetkizildi.
Rımde Qazaqstan Respýblıkasynyń Qorǵanys mınıstri Ádilbek Jaqsybekov Italııanyń Qorǵanys mınıstri Djampaolo dı Paolomen kezdesti. Kezdesý qorytyndysy boıynsha Qazaqstan Respýblıkasy Úkimeti men Italııa Respýblıkasy Úkimeti arasynda áskerı yntymaqtastyq týraly kelisimge qol qoıyldy.
Kezdesý barysynda Italııa qorǵanys vedomstvosy basshysy óz eliniń Qazaqstanmen áskerı jáne áskerı-tehnıkalyq yntymaqtasýyna basa nazar aýdaratyndyǵyn aıtty. Oǵan dálel retinde Italııa Respýblıkasy Qorǵanys mınıstrliginiń sheshimimen Qazaqstanda áskerı attashat ashylǵandyǵy.
Resmı sapar barysynda qazaqstandyq áskerı delegasııa zamanaýı qarý-jaraq pen tehnıka shyǵaratyn ıtalııalyq kompanııalardy aralady, halyqaralyq bitimgerlik mıssııaǵa qatysyp júrgen Italııanyń áskerı polısııa ofıserleri ýchılıshesiniń tynys-tirshiligimen tanysty.
Qazaqstan qorǵanys vedomstvosy qyzmetindegi mańyzdy baǵyttardyń biri Qarýly Kúshterdiń bitimgerlik áleýetin arttyrý bolyp tabylady. Qorǵanys mınıstri ıtalııalyq áriptesterdi halyqaralyq «Dala qyrany» bitimgerlik jattyǵýyna qatysýǵa shaqyrdy.
Sýretti túsirgen Ermek SARBASOV.
