Kórshi eldiń qurmeti
Juma, 15 maýsym 2012 7:30
Qazaq ǵalymy Dúken Másimhanuly ShYU-nyń halyqaralyq syılyǵyna ıe boldy
Taıaýda Qytaı Halyq Respýblıkasynyń astanasy Pekın qalasynda Shanhaı yntymaqtastyq uıymyna múshe elder Memleket basshylary keńesiniń keńeıtilgen otyrysy bolyp ótkeni belgili.
Juma, 15 maýsym 2012 7:30
Qazaq ǵalymy Dúken Másimhanuly ShYU-nyń halyqaralyq syılyǵyna ıe boldy
Taıaýda Qytaı Halyq Respýblıkasynyń astanasy Pekın qalasynda Shanhaı yntymaqtastyq uıymyna múshe elder Memleket basshylary keńesiniń keńeıtilgen otyrysy bolyp ótkeni belgili.
Osy úlken jıyn aıasynda, ShYU-nyń «Jibek joly: gýmanıtarlyq yntymaqtastyq» dep atalatyn halyqaralyq syılyǵyna ıe bolǵandar Pekındegi «Halyq quryltaıy saraıynda» saltanatty jaǵdaıda marapattaldy.
Marapat ıelerine syılyqty Qytaı úkimeti men ShYU atynan QHR Memlekettik keńesiniń múshesi Daı Bıńgo jáne Tájikstan Respýblıkasynyń prezıdenti Emomalı Rahmon tabys etti.
«Jibek joly: gýmanıtarlyq yntymaqtastyq» syılyǵy – tarıhı uly «Jibek jolynyń» dástúrli «beıbitshilik, tatý kórshilik, yntymaqtastyq» rýhyn sáýlelendirip, «Jibek joly» boıyndaǵy elderdiń dostyǵyn, yntymaqtastyǵyn nyǵaıtýǵa, ShYU-ǵa múshe elder arasyndaǵy rýhanı baılanystardy tereńdetý men dostyqty nyǵaıtýǵa eleýli úles qosyp júrgen qytaılyq jáne sheteldik tulǵalarǵa beriletin halyqaralyq syılyq. Bul joly oǵan ShYU-ǵa múshe memleketterdiń saıasat, ádebıet, óner salalarynda jemisti eńbek etip júrgen kórnekti ókilderi ıe boldy. Qazaqstannan aqyn, aýdarmashy, L.N. Gýmılev atyndaǵy EUÝ qytaı tili kafedrasynyń meńgerýshisi, fılologııa ǵylymdarynyń doktory, professor, halyqaralyq «Alash» ádebı syılyǵynyń ıegeri Dúken Másimhanuly marapattalǵan bolsa, Reseıden kórnekti óner qaıratkeri, KSRO halyq artısi, «Reseı-Qytaı qarym-qatynasynyń 60 jyldyǵyna eńbegi sińgen qaıratker» Mıra Kolsova, al Aspanasty eliniń ózinen kórnekti túrkolog-ǵalym, professor Hý Chjenhýa, Tájikstannan osy eldiń QHR-daǵy tótenshe jáne ókiletti elshisi Rashıd Alımov, О́zbekstannan mádenıet qaıratkeri Gúlnar Kárimova, Qyrǵyzstannan memleket jáne qoǵam qaıratkeri Sultan Raev ıe boldy.
Marapattaý rásimindegi quttyqtaý sózinde QHR «Beıbitshilik sapary» mádenı baılanystar ortalyǵynyń prezıdenti, ShYU burynǵy bas hatshysy Chjań Degýan myrza: «Qazaqstandyq ǵalym Dúken Másimhanulyna bul syılyq onyń Qazaq elindegi qytaı ádebıetin aýdarý men zertteý salasyndaǵy eleýli eńbegi úshin, sondaı-aq Qazaqstan úshin kóptegen qytaıtanýshy mamandar tárbıelep, eki el halqynyń dostyǵy men túsinistigin nyǵaıtýǵa qosqan qomaqty úlesi úshin berilip otyr», – dedi.
Marapattaý sharasynyń sońy ShYU elderinen kelgen qylqalam sheberleriniń «Tatý kórshi» atty kórkemsýret kórmesine ulasty.
«Egemen-aqparat».
