Dostyq baılanys nyǵaıa beredi

Lenta.ru agenttigi Qazaq­stan Prezıdenti Qasym-Jomart Toqaev pen Reseı Prezıdenti Vladımır Pýtınniń kezdesýi barysynda eki el arasyndaǵy mańyzdy máseleler talqylanǵanyn habarlady. 

«Toqaev áńgime barysynda Reseımen dostyq qarym-qatynasty jalǵastyra beretinin málimdedi. Memleket basshysy Qazaqstannyń Tuńǵysh Pre­zı­denti Nursultan Nazarbaevtyń Máskeýmen árip­tes­tikti joǵary baǵalaıtynyn atap ótti», deıdi Lenta.ru agenttigi. Sondaı-aq Q.Toqaev eki el arasyndaǵy yn­tymaqtastyqty jalǵastyra berýge múddeli ekenin jetkizdi. 

«Ekijaqty qarym-qatynas qarqyndy damyp ke­ledi. Meniń maqsatym – osy strategııany jalǵas­tyra berý. Eki el arasyndaǵy dostyq baılanysty kú­sheıtý úshin qolymnan kelgenniń bárin jasaımyn», dedi Q.Toqaev. 

Qazaqstan Prezıdenti mundaı strategııanyń eki memlekettiń ulttyq múddesine saı keletinin aıtty. Halyqaralyq qatynas, ekonomıka jáne saıasatqa deıingi salalarda yntymaqtastyqty nyǵaıtýǵa nıet tanytty», dep habarlady Lenta.ru saıty. 

Reseı Prezıdenti Vla­dımır Pýtın Qazaqstan Prezıdenti Qasym-Jo­mart Toqaevtyń Máskeýge sapary ekijaqty qa­rym-qatynasty nyǵaıtýǵa úles qosatynyna senim­di. Bul týraly RIA Novostı agenttigi habarlady. 

«Memleket basshysy qyzmetine kiriskenińizben quttyqtaımyn. Ekijaqty qarym-qatynastyń deńgeıinen habaryńyz bar. Qazaqstan men Reseı arasyndaǵy baılanysty osyndaı joǵary deńgeıge shyǵarý úshin de kóp eńbek ettińiz. Álbette, bul Qazaqstannyń Tuńǵysh Prezıdentiniń eńbegi ekeni anyq», dedi V.Pýtın kezdesýde. 

Sondaı-aq Kreml basshysy Qazaqstan men Reseıdiń jaı áriptes qana emes, halyqaralyq deńgeıde de, ekijaqty deńgeıde de dostyq baılanys­ta ekenine erekshe toqtalǵan. 

«Sizdiń búgingi saparyńyz kópjaqty, kóp baǵyttaǵy dostyq qarym-qatynasymyzdy nyǵaıta túsetinine senimdimin», dedi Reseı Prezıdenti.

«Qasym-Jomart Toqaevpen kezdesý kons­trýktıvti, dástúrli atmosferada ótti. Bul Qazaqstannyń Tuńǵysh Prezıdenti Nursultan Nazarbaevtyń bılik etken jyldary qalyptasqan bolatyn. 

Reseı basshysy Toqaevtyń alǵashqy resmı saparyn Reseıden bastaǵanyna alǵys bildirdi», deıdi Izvestııa gazeti. 

«Qazaqstan Prezıdenti elderimiz arasyndaǵy áriptestik jáne dostyq qatynasty nyǵaıta berýge erekshe nazar aýdarady dep senemin», degen Vla­dımır Pýtın. 

«Kelissózder barysynda memleket basshylary óńirlik jáne halyqaralyq máseleler, eýrazııalyq keńistiktegi ıntegrasııalyq úderistiń damý qarqyny týraly pikir almasty. Qazaqstan Prezıdenti Reseımen dostyq baılanysty jalǵastyra beretinin málimdedi», deıdi Izvestııa basylymy.