Munyń aldynda «Petropavl–Sharm-el-Sheıh–Petropavl» baǵyty boıynsha reıs ashylǵan bolatyn. Endi Reseıdiń astanasyna tikeleı jete alady
Petropavl halyqaralyq áýejaıynyń dırektory Marat Qasenovtyń aıtýynsha, Qazaqstannyń azamattyq avıasııa komıteti kórshi eldiń «IrAero» áýe kompanııasymen ýaǵdalastyqqa kelip, soltústikqazaqstandyqtardyń halyqaralyq baǵyttarǵa ushýyna jaǵdaı týdyryp otyr.
Maýsym aıynan bastap aptasyna bir ret - ár sársenbi kúni «Sukhoi SuperJet-100» ushaqtarymen jolaýshylar qatynaı bastaıdy. Eki aralyqty úsh saǵatta ushyp ótedi. Bılet baǵasy - 47 myń teńge.
«Osydan eki jyl buryn Úkimet rezervinen bólingen 7 mıllıard teńgege áýejaıda kúrdeli jóndeý jumystary júrgizilip, zamanǵa saı áýe kemeleriniń barlyq túrin qabyldaýǵa jabdyqtalǵan bolaty. Aldaǵy ýaqytta ózge de eldermen tranzıt áýeleti men týrıstik salany damytýǵa basymdyq beretin bolamyz», deıdi M. Qasenov.
Soltústik Qazaqstan oblysy
