Búgin qala ákimi Ǵabıdolla Ábdirahymovtyń qatysýymen basqarma basshylary men tórt aýdan ákimderimen májilis ótti. Jıynda shahardyń ınfraqurylym júıeleri, aýlalardy abattandyrý jumystary boıynsha jolaýshylar kóligi jáne avtomobıl joldary, qurylys, energetıka jáne kommýnaldyq-sharýashylyq, turǵyn úı ınspeksııasy basqarmasy basshylarynyń atqarylǵan jumystary talqylanǵan edi.
– Eń aldymen sapaǵa mán berilsin. О́z mindetterine salǵyrt qaraıtyn merdigerlerge shara qoldanylady. Jalpy strategııalyq jumystarmen qatar, halyqtyń talap-tilekterine jaýap berip, baqylap otyrý kerek. Meniń Instagram paraqshama kirińizder, ondaǵy kommentarıılerdi muqııat oqyńyzdar, pikirlerde qala turǵyndarynyń ózekti shaǵymdary bar. Árdaıym áleýmettiń jelide turǵyndardyń aryz-shaǵymyn baqylap otyryńyzdar, – dedi qala ákimi.
