Kelissózderdiń kezekti raýndy Sırııa baǵytynda eń ózekti máselelerdi, sonyń
ishinde Idlıb provınsııasy men Sırııanyń soltústik-shyǵysyndaǵy qazirgi ahýaldy,
qaqtyǵysýshy taraptar arasyndaǵy senimdi odan ári nyǵaıtýǵa baǵyttalǵan
sharalardy, sondaı-aq bosqyndar men el ishindegi qonys aýdarǵan adamdardy
qaıtarýǵa qolǵabys kórsetý, gýmanıtarlyq jaǵdaıdy jaqsartý jáne eldi
qaqtyǵystan keıingi qaıta qalpyna keltirý máselelerin talqylaýdy josparlap
otyr. Sonymen qatar, aldyn ala kún tártibine sáıkes, Sırııa boıynsha
konstıtýsııalyq komıssııany qurý jáne iske qosý boıynsha jumysty aıaqtaýǵa basa
nazar aýdara otyryp, saıası prosesti odan ári ilgerletý joldaryn talqylaý,
sondaı-aq Astana prosesine jańa baqylaýshy memleketterdiń qosylý máselesi
qarastyrylady.
25 sáýirde Astana prosesiniń kepilger elderiniń ekijaqty jáne
úshjaqty konsýltasııalary, sondaı-aq baıqaýshy taraptarynyń ókilderimen
kezdesýleri, al jalpy otyrys 26 sáýirde ótedi.
Sonymen birge, Sırııa boıynsha joǵary deńgeıdegi 12-shi
halyqaralyq kezdesý sheńberinde Tutqyndardy bosatý, qaza tapqandardyń denelerin
tabystaý jáne iz-túzsiz joǵalǵandardy izdestirý boıynsha jumys tobynyń 8-shi
otyrysyn ótkizý josparlanyp otyrǵanyn eskere otyryp, atalǵan otyrysqa qatysý
úshin BUU bosqyndar isteri jónindegi Joǵarǵy komıssar basqarmasynyń jáne
Halyqaralyq Qyzyl Krest Komıtetiniń ókilderine tıisti shaqyrýlar joldanady.
