Oblys ákimi Bolat Baqaýov kásipkerlerdi aýyl sharýashylyǵynda qaıta óńdeý, ónim shyǵarý, óńdeýshi ónerkásip pen qyzmet kórsetý baǵytynda belsendilikke shaqyrdy. Kásipkerler de óz taraptarynan usynys-tilekterin jetkizdi.
Mysaly, «Saǵan COLOUR» lak-boıaý shyǵaratyn shaǵyn kásiporyn ókilderi memlekettik satyp alýlarǵa qatysyp, qala joldarynyń ortasyna syzyq túsirýge, jaıaý júrginshiler jolaqtaryn jasaǵylary keledi. Al, «Stırol» JShS-niń dırektory Valerıı Sımakov turǵyn úıler qurylysyn jobalaýda jylý saqtaıtyn penopolıstıroldy paıdalanýdy usyndy.
Qurylys kompanııalary da kásipkerdiń taýary tıimdi dep otyr. Sonymen birge, «GBO-Servıs» JShS beınebaqylaý kameralar ornatýda memlekettik konkýrs talaptaryn qaıta qaraýdy suraıdy. Al, endi biri jaǵajaıda retro stılindegi dámhana ashýǵa jer telimin surady.
Erekshe dámhanǵa kelýshiler ashyq aspan aıasynda tamaqtanyp, 50 eselik úlkeıtip kórsetetin dúrbimen alysqa kóz tigedi. Oblys ortalyǵyndaǵy polıtehnıkalyq kolledj dırektory Valerıı Iаkýtov stadıon salmaqshy. Ol úshin jer telimi qajet. Oblys ákimi Bolat Baqaýov jańashyl kásipkerlerdi tyńdap alyp,bul jobalar qala úshin mańyzdy, qoldaımyz,- dep atap ótti.
Pavlodar oblysy
