Igi bastama Qazaqstan Respýblıkasynyń Ulttyq Banki (budan ári – QRUB) 15 sáýirde bazalyq mólsherlemeni 9,0% deńgeıge deıin tómendetý týraly sheshim qabyldaǵannan keıin júzege asty. «Baspana Hıt» baǵdarlamasy boıynsha jyldyq syıaqy mólsheri QRUB bazalyq stavkasyna (QRUB bazalyq stavkasy +1,75%) baılanysty bolatynyn eske salamyz.
«Paıyzdyq ústeme ıpotekalyq qaryz shartyn jasaý sátinde tirkeledi jáne klıent úshin ózgerissiz qalady. Baspana Hıttiń ıpotekany 11%-ben alǵan boryshkerleri aı saıynǵy tólemderdi buryn bekitilgen kestege sáıkes tóleıdi. Paıyzdyq mólsherlemedegi ózgerister jańa klıentterge ǵana qatysty bolady», – dedi «Baspana» IU basqarma tóraǵasynyń orynbasary Darhan Baıqýatov.
Baspana Hıt boıynsha maquldanǵan kredıtterdiń somasy 25 mlrd. teńgege jetti. Búgingi kúnge deıin 3 113 qazaqstandyq osy ıpotekalyq baǵdarlama boıynsha páter aldy.
Baspana Hıt azamattyń menshiginde baspanasy bolsa da bastapqy ne qoldanysta bolǵan turǵyn úıdi alýǵa múmkindik beredi. Ipotekany 8 bank beredi: Halyq banki, SentrKredıt bank, Sberbank, Sesnabank, Eýrazııalyq banki, Forte Bank, Bank RBK jáne ATFBank.
Azamattardyń aı saıynǵy tólemderin esepteýine qolaıly bolýy úshin Baspana Hıt ıpotekalyq kalkýlıatory iske qosyldy www.baspanahit.kz
