Aýyr atletter Azııaǵa barady

Beısenbi, 12 sáýir 2012 7:09

24 sáýir men 1 mamyr aralyǵynda Ońtústik Koreıanyń Phenthek qalasynda aýyr atletıkadan Azııa chempıonaty ótedi.

Bul synǵa Qazaqstan quramasynyń bapkerleri jas ziltemirshilerge úlken senim artyp otyr. Sebebi, negizgi quramdaǵy tolaǵaılar mamyr aıynda Taldyqorǵanda ótetin Qazaqstan chempıonatyna daıyndalý ústinde. Al el birinshiliginen soń, Olımpııa oıyndaryna kimniń baratyny túbegeıli belgili bolmaq, dep habarlady Qazaqstan Aýyr atletıka federasııasy.

Beısenbi, 12 sáýir 2012 7:09

24 sáýir men 1 mamyr aralyǵynda Ońtústik Koreıanyń Phenthek qalasynda aýyr atletıkadan Azııa chempıonaty ótedi.

Bul synǵa Qazaqstan quramasynyń bapkerleri jas ziltemirshilerge úlken senim artyp otyr. Sebebi, negizgi quramdaǵy tolaǵaılar mamyr aıynda Taldyqorǵanda ótetin Qazaqstan chempıonatyna daıyndalý ústinde. Al el birinshiliginen soń, Olımpııa oıyndaryna kimniń baratyny túbegeıli belgili bolmaq, dep habarlady Qazaqstan Aýyr atletıka federasııasy.

Qazaqstan quramasy Lon­don­daǵy tórtjyldyqtyń basty dodasynda 8 salmaqta synǵa túse­tini belgili. Onyń ishinde tórt salmaqta áıelder, taǵy da osynshama salmaqta erler jarysqa shyǵady.

Aýyr atletıka federasııasy­nyń habarlaýynsha, qazirgi kezde Qazaqstannyń ulttyq qurama komandasy ózderiniń oqý-jattyǵý jıynyn ótkizýde. Olar endi Almatyda birer kún aıaldaıdy da, odan keıin Taldyqorǵan jáne Tekeli qalalaryna qaraı tartady. Negizgi daıarlyqtaryn sol jaq­ta pysyqtaıdy. Al mamyr aıynyń sońynda Almaty obly­synyń ortalyǵynda Qazaqstan chempıonaty ótedi. Sol jarys­tyń qorytyndysy boıynsha bıylǵy jyldyń 27 shildesi men 12 tamyzynda Ulybrıtanııa astanasynda alaýy tutanatyn Olımpııa oıyndarynda naqty kimderdiń óner kórsetetini an­yq­­talady. Elimizdiń betke­us­­­­tar ziltemirshileriniń barlyǵy da negizgi kúshin sol jarysqa saq­taýda. Sebebi, tórt jylda bir márte ǵana jalaýy jelbireıtin dúbirli dodaǵa sanaýly sportshylar ǵana qatysady. Al úmit­kerler qatary óte qalyń. Sóz oraıy kelgende, Qazaqstan qura­masy Olımpııa oıyndarynyń segiz joldamasyna ıelik etke­nin aıta keteıik. Londonda biz­diń erler men áıelder tórt-tórt sal­­­maq dárejeleri boıynsha óner kórsetedi.

– Komandamyzdyń deni jas­tar ekeni ras. Alaıda, biz Oń­tústik Koreıaǵa tek jaı serýendep qaıtý úshin bara jatqan joqpyz. Búgingi tańda aýyr atletterge memleket tarapynan kóp kómek kórsetilýde. Dene shy­nyqtyrý jáne sport isteri agenttigi men bas demeýshimiz – «Samuryq-Qazyna» ulttyq ál-aýqat qorynyń da qamqorlyǵyn únemi sezinýdemiz. Sondyqtan da aýyr atletterge árkez úlken jaýapkershilik júktelýde. Senim údesinen shyǵý úshin shákirtteri­miz esh aıanyp qalmaıdy. Osy Azııa chempıonatynda da barynsha nátı­je­li óner kórsetýge tyrysamyz, – deıdi Qazaqstan qu­ramasynyń memlekettik jattyq­tyrýshysy Meńdihan Tápsiruly.

Azııada aýyr atletıka deń­geıi­niń óte joǵary ekenin jan­kúıer­ler jaqsy biledi. Sońǵy Olımpıada men álem chempıo­nat­tarynyń nátıjelerine zer sal­saq, soǵan anyq kóz jetkizemiz. Atalmysh jarystarda Azııa apaı­tósteri ózge qurlyq ókil­de­rinen únemi ozyp júr. Olaı bolsa, Ońtústik Koreıa tórindegi jarysta otandyq ziltemirshiler jer­ge qaratpaıdy dep senemiz.

Azııa chempıonatyna attanatyn erlerdiń tizimi:

Erbolat Jolamanov (62 kg)

Ádilbek Balqaev (69 kg)

Aleksandr Kım (69 kg)

Medet Júndibaev (77 kg)

Nursultan Rahatov (77 kg)

Ermek О́mirtaı (85 kg)

Erbol Meıirmanov (85 kg)

Igor Vashanov (94 kg)

Stanıslav Kopytov (105 kg)

Dmıtrıı Kaplın (+105 kg)

Azııa chempıonatyna baratyn qyzdardyń tizimi:

Galına Mamontova (48 kg)

Gúlsara Tólegenova (53 kg)

Sáýle Sádýaqasova (63 kg)

Faına Sybanbaeva (63 kg)

Anastasııa Shvabaýer (69 kg)

Gúlnaz Naýryzova (75 kg)

Aleksandra Aborneva (+75 kg)

Arǵy jaqtan bir jańalyq

Ashylý saltanaty kesh bastalady. Olımpıadanyń ashylý jáne jabylý saltanatyn ótkizý brıtanııalyq kınorejısser Dennı Boıl­ǵa senip tapsyrylǵany bel­gili. Qazir ol basqaratyn shyǵarmashylyq top ja­rys­tyń resmı túrde ashylý rásimine daıyndyq jumys­taryn júrgizip jatyr.

Jaqynda Dennı Boıl Olımpıadanyń 27 shilde­de­gi ashylý saltanaty bastap­qy­da kelisil­gendeı 19:30-da emes, sál keıinirek, 20:55-te bastalsa degen usy­nysyn aıtty. Onyń aıtýynsha, halyqqa ińir qa­rańǵysyndaǵy otsha­shý­lar­dyń áseri onsha bolmaıdy. Al ashylý saltanaty sál keıinirek bastalyp, qarań­ǵylyq ornaǵan kez­de­gi otsha­shýlardyń jóni bó­lek, olar adamdy erekshe bir áserge bólep, aıryqsha merekelik kóńil-kúı syılaıdy. Ázirshe Olımpıadany uıymdastyrý komıteti rejısserdiń bul usyny­sy­na naqty jaýap qaıtarǵan joq. Eger onyń usynysy qabyldansa, onda uıymdas­tyrý komıtetine bıletten bastap, jarnamalardyń bro­shıýralaryn, qoǵamdyq kó­lik­tiń jumys kestesin qaı­ta túzeýge týra keledi.

Dastan KENJALIN.