QAZAQSTAN BASTAMASYN QOLDAIDY

Keshe Memlekettik hatshy – Syrtqy ister mınıstri Qanat Saýdabaev Qazaqstanǵa óziniń shaqyrýy boıynsha kelgen Eýropa Keńesi Parlamenttik Assambleıasynyń (EKPA) jańa tóraǵasy Mevlıýt Chavýshoglýmen kezdesti. Mevlıýt Chavýshoglý – EKPA tóraǵasy bolyp saılanǵan tuńǵysh túrik azamaty. Ol atal­mysh qyz­metke ústimizdegi jyl­dyń qańtar aıynda ǵana saılanǵan bolatyn. Kezdesý kezinde Memlekettik hat­shy – Syrtqy ister mınıstri   Qanat Saýdabaev meımandy osy­naý qurmetti laýazymǵa saı­la­nýymen quttyqtady. Odan ári ekijaqty qarym-qatynastardyń ózekti má­seleleri týraly pikir almasyldy. Qazaqstan men EKPA ara­syn­­­daǵy yntymaqtastyq 2004 jy­ly qol qoıylǵan ekijaqty  ke­lisim-sharttyń negizinde iske asýda. Taraptar onyń oryndalý barysyn talqylaı kelip, eki­jaqty qatynas­tardy aldaǵy ýaqyttarda nyǵaıta túsýdiń jańa perspektıvalary tý­raly sóz qozǵady. Qanat Saý­dabaev qonaqty EQYU tóraǵa­lyǵyna baılanysty Qazaqstan basta­ma­lary jáne “Eýropaǵa jol” baǵ­dar­lamasynyń oryndalý ba­rysy týraly habardar etti. О́z k­ez­eginde Mevlıýt Chavýshoglý Qazaqstanǵa kelýi laýazymdy qyzmetke saı­lanǵannan bergi óziniń eń alǵashqy sapar­la­ry­nyń biri ekendigin aıtty. Biz Qazaq­stannyń aımaq­tyq qana emes, ǵalamdyq turaq­tylyq pen beı­bitshiliktiń saq­tal­ýyna oń yqpal ete alatyn el retinde kórine bastaǵanyna qýa­nysh­ty­myz, dedi ol. Sonymen birge, EKPA Qa­zaqstannyń EQYU el­deri bas­shylarynyń sammıtin ótkizý týraly bastamasyn qol­daıtynyn jetkizdi. Kezdesý ekijaqty túsi­nis­tik­ke, jarqyn pikir almasý túrinde ótti. Jaqsybaı SAMRAT.