Konkýrstyń Bas demeýshisi tabıǵı resýrstardy óndirý men óńdeý, energetıka, logıstıka jáne marketıng salalarynda álemdegi eń iri ártaraptandyrylǵan kompanııalardyń biri - Eurasian Resources Group (ERG) kompanııasy. Eýrazııalyq top (ERG) jyl saıyn elimizdiń rýhanı ómirin damytýǵa ólsheýsiz úles qosyp, ádebı-mádenı sharalarǵa demeýshilik jasap kele jatyr.
Respýblıkalyq «SEMSER» ádebı konkýrsy Úzdik proza, Úzdik poezııa, Úzdik ádebı syn degen 3 atalym boıynsha ótedi. Bas júlde - 1 000 000 teńge! Ár atalymnyń jeńimpazdaryna 500 000 teńgeden júlde tigilip otyr. Sonymen qatar, arnaıy ádebı syılyqtar da bar. Gran-prı ıegerine «SEMSER» ádebı syılyǵy tabystalady. Al qalǵan júldegerlerge Altyn tósbelgi taǵylady.
Ádebı konkýrs resmı túrde jarııalanǵan kúnnen bastap, 45 jasqa deıingi barlyq qalamgerler óz shyǵarmalaryn «Mádenıet portalyna» ózderi ornalastyrýǵa barlyq múmkinshilikter qarastyrylǵan. Konkýrs onlaın rejımde, barsha qazaqstandyqtardyń kóz aldynda ashyq túrde júrgiziledi. Sonymen qatar, oqyrmandar ózi unatqan shyǵarmalarǵa daýys bere alady. Munyń barlyǵy qazylar alqasynyń qorytyndy shyǵarý kezinde esepke alynady.
Ádebı báıge tek memlekettik tilde ótetinin aıta ketý qajet. Konkýrs týraly tolyq aqparatty «Mádenıet portalynan» oqı alasyzdar.
